ചാത്തന്നൂര്‍: സംഘപരിവാര്‍ പ്രവര്‍ത്തകരെയും ബിജെപിയുടെ ഗ്രാമപഞ്ചായത്ത് അംഗങ്ങളെയും ബിജെപി മണ്ഡലം നേതാക്കളെയും പ്രവര്‍ത്തകരെയും വേട്ടയാടാനുള്ള നീക്കം ശക്തമാക്കി സിപിഎം. നിയമസഭ തെരഞ്ഞെടുപ്പില്‍ ചാത്തന്നൂര്‍ നിയോജക മണ്ഡലത്തില്‍ ബിജെപിയുടെ മുന്നേറ്റത്തില്‍ പരിഭ്രാന്തി പൂണ്ട ഇടതുമുന്നണി നേതൃത്വമാണ് രാഷ്‌ട്രീയമര്യാദകള്‍ എല്ലാം മാറ്റി വച്ചുകൊണ്ടുള്ള നീക്കങ്ങള്‍ക്ക് ചുക്കാന്‍ പിടിക്കുന്നത്.
2016ലെ നിയമസഭ തെരഞ്ഞെടുപ്പില്‍ നിയോജക മണ്ഡലത്തിലെ പ്രധാന പ്രതിപക്ഷമായി മാറിയ ബിജെപി 2021ലെ തെരഞ്ഞെടുപ്പില്‍ ശക്തമായ മുന്നേറ്റം നടത്തിയതാണ് ഇപ്പോഴത്തെ പ്രകോപനം. രാഷ്‌ട്രീയപരമായി സംഘപരിവാര്‍ പ്രസ്ഥാനങ്ങളെ നേരിടാന്‍ കഴിയില്ലായെന്ന ബോധ്യം ഉറപ്പായതോടെയാണ് അസത്യപ്രചാരണങ്ങളും മറ്റ് വഴികളുമായി രംഗത്തുള്ളത്. ഇതിന് മുന്നോടിയായി ജില്ലാ പ്രസിഡന്റിനെ ആക്ഷേപിച്ചുകൊണ്ട് പണ്ടാര്‍ട്ടിപത്രത്തില്‍ അപകീര്‍ത്തിവാര്‍ത്തകള്‍ പ്രസദ്ധീകരിച്ചു. അതിന് പണ്ടിന്നാലെ ഇടതുപക്ഷം ഭരിക്കുന്ന പണ്ടൂതക്കുളം പഞ്ചായത്തില്‍ സേവാഭാരതിയുടെ പ്രവര്‍ത്തനങ്ങള്‍ക്ക് തടയിട്ടു. ഇതിനായി രാഷ്‌ട്രീയ മര്യാദ പ്രസംഗിക്കുന്ന ഇടതുപാര്‍ട്ടിക്കാര്‍ പഞ്ചായത്ത് സെക്രട്ടറിയെ ദുരുപയോഗം ചെയ്യുകയായിരുന്നു. നാടിനാകെ മാതൃകയായി പ്രവര്‍ത്തിച്ച സേവാഭാരതിയെ വിലക്കി കൊണ്ട് കൊവിഡ് പ്രതിരോധ പ്രവര്‍ത്തനങ്ങള്‍ അട്ടിമറിക്കുകയാണ് സിപിഎം ചെയ്തത്.
വാര്‍ഡിലെ ആവശ്യങ്ങളുമായി സമീപിച്ച പട്ടികജാതി വിഭാഗത്തില്‍പെട്ട ബിജെപിയുടെ വനിത ഗ്രാമപഞ്ചായത്ത് അംഗത്തെ സെക്രട്ടറി പരസ്യമായി ജാതി പറഞ്ഞ് ആക്ഷേപിച്ചതാണ്. അതിന് പിന്നാലെ പൂതക്കുളത്തെ രണ്ട് വനിത മെമ്പര്‍മാരുടെയും ഫോണിലേക്ക് രാത്രിയില്‍ വിളിച്ച് അശ്ലീലം കലര്‍ന്ന സംഭാഷണമാണ്. ഇത്തരത്തില്‍ വൃത്തികെട്ട രാഷ്‌ട്രീയവും സിപിഎം പ്രോത്സാഹിപ്പിക്കുകയാണ്.
കൊവിഡ് പ്രതിരോധ പ്രവര്‍ത്തനങ്ങളില്‍ സേവാഭാരതി നേടിയ പൊതുസമ്മതിയാണ് സിപിഎമ്മിനെയും സ്ഥലം എംഎല്‍എയെയും വിറളി പിടിപ്പിക്കുന്നത്. ഒപ്പം തന്നെ നിയോജക മണ്ഡലത്തിലെ ബിജെപിയുടെ ഗ്രാമപഞ്ചായത്ത് അംഗങ്ങള്‍ മികച്ച പ്രവര്‍ത്തനങ്ങള്‍ കാഴ്ച വയ്‌ക്കുകയും കൊവിഡ് പ്രതിരോധ പ്രവര്‍ത്തനങ്ങളില്‍ വളരെയേറെ മുന്നോട്ട് പോകുകയും ചെയ്യുന്നതും ഇവര്‍ക്ക് സഹിക്കുന്നില്ല. ഇതിലെല്ലാം അസ്വസ്ഥത രൂക്ഷമായതോടെ സംഘപരിവാര്‍ പ്രസ്ഥാനങ്ങളുടെ പ്രധാന നേതാക്കളെയും പ്രവര്‍ത്തകരെയും ഗ്രാമപഞ്ചായത്ത് അംഗങ്ങളെയും ലക്ഷ്യമിട്ട് മാനസികമായും രാഷ്‌ട്രീയപരമായും തകര്‍ക്കാനാണ് സിപിഎം നീക്കം.
പ്രതികരിക്കാൻ ഇവിടെ എഴുതുക