അബുദാബി: യുഎഇയില് 1,596 പേര്ക്ക് കൂടി കൊവിഡ് വൈറസ് ബാധ സ്ഥിരീകരിച്ചതായി ആരോഗ്യ പ്രതിരോധ മന്ത്രാലയം അറിയിച്ചു. ചികിത്സയിലായിരുന്ന 1,571 പേര് രോഗമുക്തി നേടി.
കോവിഡ് മൂലം നാല് പേര് മരിച്ചു. മരിച്ചവരുടെ കുടുംബത്തിന് മന്ത്രാലയം അനുശോചനം രേഖപ്പെടുത്തി. ആരോഗ്യഅധികൃതരുമായി സഹകരിക്കാനും എല്ലാ മുന്കരുതല് നടപടികളും പാലിക്കാനും മന്ത്രാലയം നിര്ദേശിച്ചു.
കഴിഞ്ഞ 24 മണിക്കൂറിനിടെ നടത്തിയ 2,24,887 കൊവിഡ് പരിശോധനകളില് നിന്നാണ് പുതിയ രോഗികളെ കണ്ടെത്തിയത്. ഔദ്യോഗിക കണക്കുകള് പ്രകാരം 5,54,516 പേര്ക്ക് ഇതുവരെ യുഎഇയില് കൊവിഡ് സ്ഥിരീകരിച്ചിട്ടുണ്ട്.ഇവരില് 5,34,481 പേര് സുഖം പ്രാപിച്ചു.
1,648 കൊവിഡ് മരണങ്ങളാണ് ഇതുവരെ റിപ്പോര്ട്ട് ചെയ്യപ്പെട്ടത്. നിലവില് 18,387 കൊവിഡ് രോഗികള് യുഎഇയില് ഉണ്ടെന്നാണ് ഔദ്യോഗിക കണക്ക്.
അതേ സമയം അന്തരീക്ഷഊഷ്മാവ് 49.1 ഡിഗ്രി രേഖപ്പെടുത്തി. 50 ഡിഗ്രിയിലേക്ക് അടുക്കുന്ന സാഹചര്യത്തില് കനംകുറഞ്ഞ വസ്ത്രങ്ങള് ധരിയ്ക്കാനും കയ്യില് വെള്ളം കരുതാനും സര്ക്കാര് മുന്നറിയിപ്പ് നല്കിയിട്ടുണ്ട്.
