മങ്കൊമ്പ്: കോവിഡ് രോഗിയുടെ സംസ്‌കാരത്തെ ചൊല്ലി കുട്ടനാട് മങ്കൊമ്പില്‍ എന്‍എസ്എസ് കരയോഗം സെക്രട്ടറിയും, വാര്‍ഡ് മെമ്പറും തമ്മില്‍ തര്‍ക്കമുണ്ടായി. പുളിങ്കുന്ന് പഞ്ചായത്ത് 14-ാം വാര്‍ഡായ മങ്കൊമ്പിലായിരുന്നു സംഭവം. മരിച്ചയാളുടെ സംസ്‌കാരം വീട്ടില്‍ തന്നെ നടത്താന്‍ മങ്കൊമ്പ് കരയോഗം സെക്രട്ടറി രാധാകൃഷ്ണന്‍ തീരുമാനമെടുത്തു. എന്നാല്‍ ഇതേ വീട്ടില്‍ മറ്റൊരു കോവിഡ് പോസിറ്റീവായ രോഗിയുള്ളതിനാല്‍ സംസ്‌കാരം ആലപ്പുഴയിലേക്ക് മാറ്റണമെന്ന് ബി.ജെ.പി.യുടെ വാര്‍ഡ് മെമ്പറായ വിധു പ്രസാദ് ആവശ്യപ്പെട്ടു. ഇതേ തുടര്‍ന്നാണ് തര്‍ക്കമുണ്ടായത്.
കോവിഡ് വ്യാപനം രൂക്ഷമായ സാഹചര്യത്തില്‍ ഒരു ദിനപത്രത്തിന്റെ താത്ക്കാലിക ഏജന്റ് കൂടിയായ കരയോഗം സെക്രട്ടറിയുടെ നടപടിയില്‍ പ്രദേശവാസികളിലും എതിര്‍പ്പുണ്ടാക്കി. സെക്ടറല്‍ മജിസ്ട്രേറ്റ് സ്ഥലത്തെത്തിയിരുന്നു. എന്നാല്‍ ഉദ്യോഗസ്ഥയ്‌ക്കെതിരെയും മരിച്ചയാളുടെ ബന്ധുക്കള്‍ മോശമായി പ്രതികരിച്ചതായി ആരോപണമുണ്ട്. സംസ്‌കാരം പിന്നീട് വീട്ടില്‍ തന്നെ നടത്തി. സംഭവത്തില്‍ ദൃശ്യങ്ങള്‍ മജിസ്ട്രേറ്റ് പകര്‍ത്തിയിട്ടുണ്ട്.
പ്രതികരിക്കാൻ ഇവിടെ എഴുതുക: