രണ്ടാം തവണയും മുഖ്യമന്ത്രിയായി അധികാരമേറ്റ പിണറായിക്ക് പ്രധാനമന്ത്രിയുടെ ആശംസകള്‍

 ന്യൂദല്‍ഹി:കേരളത്തിൽ തുടർച്ചയായിയ രണ്ടാം തവണയും മുഖ്യമന്ത്രിയായി വ്യാഴാഴ്ച അധികാരമേറ്റ പിണറായി വിജയന് ആശംസകൾ അറിയിച്ച് പ്രധാനമന്ത്രി നരേന്ദ്ര മോദി.

“മുഖ്യമന്ത്രി ഓഫീസില്‍ രണ്ടാമൂഴം ആരംഭിക്കാന്‍ പോകുന്ന സത്യപ്രതിജ്ഞ ചെയ്ത് അധികാരമേറ്റ  പിണറായി വിജയന് അഭിനന്ദനങ്ങൾ” എന്നാണ് പ്രധാനമന്ത്രി ട്വീറ്റ് ചെയ്തിരിക്കുന്നത്.

42 വർഷത്തെ ചരിത്രത്തിനിടയിൽ ഇതാദ്യമായാണ് കേരളത്തിൽ തുടർഭരണം സംഭവിക്കുന്നത്. അത് നേടിയ ആദ്യ മുഖ്യമന്ത്രിയായാണ് പിണറായി വിജയൻ വെള്ളിയാഴ്ച സത്യപ്രതിജ്ഞ ചെയ്തത്. കേരള ഗവർണർ ആരിഫ് മുഹമ്മദ് ഖാൻ പിണറായിക്ക് സത്യവാചകം ചൊല്ലികൊടുത്തു. 2016 മെയ് 25-നാണ് കേരളത്തിന്റെ 12-ാം മുഖ്യമന്ത്രിയായി പിണറായി ഇതേ വേദിയിൽ സത്യപ്രതിജ്ഞ ചെയ്തത്. 

ഏറ്റവും കൂടുതല്‍ ഭൂരിപക്ഷത്തോടെ വിജയിച്ച ആരോഗ്യമന്ത്രിയായ ശൈലജ ടീച്ചറെ മന്ത്രിസ്ഥാനത്ത് നിന്നും ഒഴിവാക്കിയതും കോവിഡ് രണ്ടാം തരംഗത്തില്‍ ട്രിപ്പിള്‍ ലോക്ഡൗണില്‍ കഴിയുന്ന തിരുവനന്തപുരം ജില്ലയില്‍ 500 പേരെ പങ്കെടുപ്പിച്ച് സത്യപ്രതിജ്ഞാചടങ്ങ് നടത്തിയതും വലിയ വിവാദങ്ങള്‍ ക്ഷണിച്ചുവരുത്തിയിരുന്നു.