തിരുവനന്തപുരം: കേരളവും മാധ്യമപ്രവര്ത്തകരെ കോവിഡ് വാക്സിന് നല്കുന്ന മുന്ഗണനപ്പട്ടികയില് ഉള്പ്പെടുത്തണമെന്ന് കേന്ദ്രമന്ത്രി വി. മുരളീധരന് ആവശ്യപ്പെട്ടു. മാതൃഭൂമി ന്യൂസ് റിപ്പോര്ട്ടര് വിപിന് ചന്ദ് കോവിഡ് ബാധിച്ച മരിച്ച പശ്ചാത്തലത്തിലാണ് ഫേസ് ബുക്ക് കുറിപ്പിലൂടെ കേന്ദ്രമന്ത്രി ഈ ആവശ്യമുയര്ത്തിയത്.
രാജ്യത്ത് ഏതാണ്ട് 12 സംസ്ഥാനങ്ങൾ മാദ്ധ്യമപ്രവർത്തകരെ കൊറോണ മുന്നണിപ്പോരാളികളുടെ പട്ടികയിലാണ് ഉൾപ്പെടുത്തിയിട്ടുള്ളത്. ശരിയായ വിവര കൈമാറ്റം കൊറോണ പോരാട്ടത്തിൽ പ്രധാനപ്പെട്ടതാണ്. യുദ്ധ രംഗത്ത് ജീവൻ പണയം വച്ച് ജോലിയെടുക്കുന്നവരാണ് മാദ്ധ്യമപ്രവർത്തകർ. അതുകൊണ്ട് കേരളവും അവരെ മുൻഗണ പട്ടികയിൽ ഉൾപ്പെടുത്തണമെന്ന് മുരളീധരൻ ആവശ്യപ്പെട്ടു.
ഫേസ്ബുക്ക് പോസ്റ്റിന്റെ പൂർണരൂപം
മാതൃഭൂമി ന്യൂസിലെ വിപിൻ ചന്ദിൻറെ അകാലവിയോഗത്തെക്കുറിച്ച് മാധ്യമസുഹൃത്തുക്കളോട് സംസാരിച്ചപ്പോഴാണ് കേരളത്തിൽ മാധ്യമപ്രവർത്തകരെ കോവിഡ് വാക്സീൻ മുൻഗണനപ്പട്ടികയിൽ ഉൾപ്പെടുത്തിയിട്ടില്ല എന്നറിഞ്ഞത്… കേരളസർക്കാർ ഇക്കാര്യത്തിൽ അടിയന്തര നടപടി സ്വീകരിക്കേണ്ടതുണ്ട്…
രാജ്യത്ത് ഏതാണ്ട് 12 സംസ്ഥാനങ്ങൾ, ( മധ്യപ്രദേശ്, ഉത്തർപ്രദേശ്, കർണാടക, തമിഴ്നാട്, ഒഡിഷ, ഉത്തരാഖണ്ഡ്, ബിഹാർ, ഡൽഹി, പഞ്ചാബ്, പശ്ചിമബംഗാൾ, ഗോവ, മണിപ്പൂർ) മാധ്യമപ്രവർത്തകരെ കോവിഡ് മുന്നണിപ്പോരാളികളുടെ പട്ടികയിലാണ് ഉൾപ്പെടുത്തിയിട്ടുള്ളത്… ശരിയായ വിവരകൈമാറ്റം കോവിഡ് പോരാട്ടത്തിൽ പ്രധാനപ്പെട്ടതാണ്… അതുകൊണ്ടു തന്നെ മാധ്യമപ്രവർത്തനവും ….
ഈ മഹാമാരിക്കെതിരായ പോരാട്ടം യുദ്ധസമാനമാണ്.. യുദ്ധരംഗത്ത് ജീവൻ പണയം വച്ച് ജോലിയെടുക്കുന്നവരാണ് മാധ്യമപ്രവർത്തകർ… അവർക്ക് പ്രതിരോധകവചം നൽകിയേ മതിയാകൂ. ഇക്കാര്യത്തിൽ വീഴ്ചവരുത്തരുതെന്ന് സംസ്ഥാനസർക്കാരിനോട് അഭ്യർഥിക്കുന്നു…..
കൊച്ചി: മാദ്ധ്യമ പ്രവർത്തകരെ കൊറോണ വാക്സിൻ മുൻഗണന പട്ടികയിൽ ഉൾപ്പെടുത്തണമെന്ന് കേന്ദ്ര വിദേശകാര്യ സഹമന്ത്രി വി. മുരളീധരൻ. കേരള സർക്കാർ അടിയന്തിര നടപടി സ്വീകരിക്കണമെന്ന് മുരളീധരൻ ആവശ്യപ്പെട്ടു. സർക്കാർ ഇക്കാര്യത്തിൽ വീഴ്ച വരുത്തരുതെന്നും അദ്ദേഹം പറഞ്ഞു. ഫേസ്ബുക്ക് പോസ്റ്റിലൂടെയാണ് വി. മുരളീധരന്റെ പ്രതികരണം.
