അഞ്ചല്‍: വെഞ്ഞാറുമൂടിലെ യൂസ്ഡ് കാര്‍ ഷോറൂമില്‍ നിന്നും ദിവസങ്ങള്‍ക്ക് മുമ്പ് കാണാതായ കാര്‍ ഉപേക്ഷിക്കപ്പെട്ട നിലയില്‍ കണ്ടത്തി. അഞ്ചല്‍, കുളത്തുപ്പുഴ പാതയില്‍ ഭാരതീപുരത്താണ് കാര്‍ ഉപേക്ഷിക്കപ്പെട്ട നിലയില്‍ കണ്ടത്തിയത്. അഞ്ചലിലെ ഒരു ബൈക്ക് വര്‍ക്ക്‌ഷോപ്പില്‍ നിന്നും കാണാതായ ബൈക്ക് സംഭവ ദിവസം വെഞ്ഞാറമൂട്ടിലെ കാര്‍ ഷോറൂമിന് സമീപത്തു നിന്നും കണ്ടത്തിയിരുന്നു. ഇതിനോടൊപ്പം സിസിടിവിയും കേന്ദ്രീകരിച്ചു നടത്തിയ അന്വേഷണത്തിലാണ് കാര്‍ കണ്ടത്തിയത്.
പ്രതികള്‍ അഞ്ചലിലെ വര്‍ക്ക്‌ഷോപ്പില്‍ നിന്നും ബൈക്ക് മോഷ്ടിച്ച ശേഷം വെഞ്ഞാറമൂട്ടില്‍ എത്തിയപ്പോള്‍ ബൈക്ക് പ്രവര്‍ത്തനരഹിതമായതിനെ തുടര്‍ന്ന് ബൈക്ക് അവിടെ ഉപേക്ഷിച്ച് കാര്‍ ഷോറൂമില്‍ നിന്നും കാര്‍ മോഷ്ടിച്ച ശേഷം കാറുമായി തിരികെ ഭാരതീപുരത്ത് എത്തി കാര്‍ ഉപേക്ഷിച്ചതാണന്നാണ് പ്രാഥമിക വിവരം. വെഞ്ഞാറമൂട്ടിലെ ഷോറൂമില്‍ ഉള്‍പ്പെടെ നിരവധി സ്ഥലങ്ങളില്‍ പ്രതിയുടെ ചിത്രം സിസിടിവിയില്‍ പതിഞ്ഞിട്ടുണ്ട്. വെഞ്ഞാറുമൂട് സിഐ രതീഷിന്റെ നേതൃത്വത്തില്‍ വിരലടയാള വിദ്ഗദര്‍ സ്ഥലത്ത് എത്തി തെളിവുകള്‍ ശേഖരിച്ചു.
പ്രതികരിക്കാൻ ഇവിടെ എഴുതുക: