കൊല്ലം : പി.കേശവന്‍ നായര്‍ അന്തരിച്ചു. മലയാളത്തിലെ അറിയപ്പെടുന്ന ശാസ്ത്ര സാഹിത്യകാരന്മാരില്‍ ഒരാളാണ്. കേരള സാഹിത്യ അക്കാദമി എന്‍ഡോവ്‌മെന്റ് അവാര്‍ഡ് നേടിയിട്ടുണ്ട്.
കൊല്ലം ജില്ലയില്‍വെളിയത്ത്, പരമേശ്വരന്‍ പിള്ളയുടെയും അമ്മുക്കുട്ടിയമ്മയുടെയും മകനായി ജനിച്ചു. കൊല്ലം ബോയ്‌സ് ഹൈസ്‌കൂള്‍, ഫാത്തിമ കോളേജ്, റായിപ്പൂര്‍ ദുര്‍ഗ്ഗ ആര്‍ട്‌സ് കോളേജ് എന്നിവടങ്ങളില്‍ പഠിച്ചു. 1971 മുതല്‍ 2005 വരെ സി.പി.ഐ. എമ്മില്‍ പ്രവര്‍ത്തിച്ചു.
സിഐടിയു കൊല്ലം ജില്ലാ സെക്രട്ടറിയായിരിക്കെ പാര്‍ട്ടി അംഗത്വം ഉപേക്ഷിച്ചു. രാഷ്‌ട്രീയ സാമൂഹ്യ, ട്രേഡ്യൂണിയന്‍ രംഗങ്ങളില്‍ സജീവമായി പ്രവര്‍ത്തിച്ചിരുന്ന വ്യക്തിയാണ് അദ്ദേഹം. ആനുകാലികങ്ങളില്‍ പരിസ്ഥിതി ശാസ്ത്രലേഖനങ്ങള്‍ എഴുതാറുണ്ട്. മൂന്ന് വര്‍ഷകാലം ഫിസിക്‌സ് അധ്യാപകനായി പ്രവര്‍ത്തിച്ചു.
1999 – 2001 ലെ വൈദിക സാഹിത്യത്തിനുള്ള കേരള സാഹിത്യ അക്കാദമി എന്‍ഡോവ്‌മെന്റ് അവാര്‍ഡ് ഭൗതികത്തിനപ്പുറം എന്ന കൃതിക്ക് ലഭിച്ചു.
പ്രതികരിക്കാൻ ഇവിടെ എഴുതുക: