നെടുങ്കണ്ടം: അട്ടിമറി വിജയം പ്രതീക്ഷിച്ചിടത്ത് വമ്പന് പരാജയം നേരിട്ടതിന് പിന്നാലെ വാക്ക് പാലിക്കാന് തല മൊട്ടയടിച്ച് ഉടുമ്പന്ചോലയിലെ യുഡിഎഫ് സ്ഥാനാര്ത്ഥി ഇ.എം. ആഗസ്തി. മണ്ഡലത്തില് എം.എം. മണിയോടുള്ള പരാജയത്തിന് പിന്നാലെയാണ് ഇ.എം. ആഗസ്തി തല മുണ്ഡനം ചെയ്തത്. ആഗസ്തി തന്നെയാണ് ഫെയ്സ് ബുക്ക് പേജ് വഴി മൊട്ടയടിച്ച വിവരം പങ്കുവച്ചത്. വാക്കുകള് പാലിക്കാനുള്ളതാണെന്ന കുറിപ്പോടെയാണ് വേളാങ്കണ്ണി പള്ളിക്ക് മുന്നില് നില്ക്കുന്ന പങ്കുവച്ചിരിക്കുന്നത്.
ഒരു സ്വകാര്യ ചാനല് നടത്തിയ സര്വ്വേയില് എം.എം. മണിക്ക് മണ്ഡലത്തില് 20000ല് അധികം വോട്ടിന്റെ വലിയ ഭൂരിപക്ഷം ലഭിക്കുമെന്ന് പറഞ്ഞിരുന്നു. ഇതിനെ പിന്നാലെയാണ് ഉടുമ്പന്ചോലയില് താന് പരാജയപ്പെട്ടാല് തല മൊട്ടയടിക്കുമെന്ന് ആഗസ്തി പറഞ്ഞത്. തെരഞ്ഞെടുപ്പ് ഫലം വന്നതിന് പിന്നാലെ ആഗസ്തി എപ്പോള് മൊട്ടയടിക്കുമെന്ന ചോദ്യം സോഷ്യല് മീഡിയയില് അടക്കം സജീവമാകുകയും ചെയ്തു. ഉടന് മൊട്ടയടിക്കുമെന്ന് ആഗസ്തി പറഞ്ഞെങ്കിലും അതിന്റെ ആവശ്യമില്ലെന്ന് എം.എം. മണി അടക്കമുള്ളവര് അഭിപ്രായപ്പെട്ടിരുന്നു.
2016ല് 1109 വോട്ടിന്റെ ചെറിയ ഭൂരിപക്ഷത്തില് കടന്നു കൂടിയ എം.എം. മണിയാണ് ഇത്തവണ 38000ല് അധികം വോട്ടിന്റെ വലിയ ഭൂരിപക്ഷം നേടിയത്. കാലങ്ങളായി യുഡിഎഫ് മുന്നേറ്റം കാഴ്ച വച്ചിരുന്ന നെടുങ്കണ്ടം, വണ്ടന്മേട്, പാമ്പാടുംപാറ, സേനാപതി, ഇരട്ടയാര് പഞ്ചായത്തുകളില് ഇത്തവണ വന് മുന്നേറ്റമാണ് എല്ഡിഎഫിനുണ്ടായത്.
