തിരുവനന്തപുരം: കൊവിഡ് പ്രതിരോധത്തിന് ഈ മാസം ഒന്പതു വരെ ഏര്പ്പെടുത്തിയ ലോക്ഡൗണിന് തുല്യമായ നിയന്ത്രണത്തിലൂടെ രോഗ വ്യാപനം തടയാനായില്ലെങ്കില് സമ്പൂര്ണ ലോക്ഡൗണിലേക്ക് നീങ്ങിയേക്കുമെന്ന സൂചന നല്കി മുഖ്യമന്ത്രി പിണറായി.
ടെസ്റ്റ് പോസിറ്റിവിറ്റി നിരക്കില് ഉണ്ടാകുന്ന വര്ധന കാണിക്കുന്നത് കേരളത്തില് രോഗം ഉച്ചസ്ഥായിയില് എത്താന് ഇനിയും സമയമെടുക്കുമെന്നാണ്. രോഗ വ്യാപനം ഇനിയും കൂടുമെന്ന് അതില് നിന്നു മനസ്സിലാക്കാമെന്നും മുഖ്യമന്ത്രി ആരോഗ്യ വിദഗ്ധരുമായുള്ള അവലോകനയോഗത്തിനു ശേഷം പറഞ്ഞു. സംസ്ഥാനത്ത് ഇന്നലെ 37,190 പേര്ക്കാണ് കൊവിഡ് സ്ഥിരീകരിച്ചത്. ഇതില് 34,143 പേര്ക്ക് സമ്പര്ക്കത്തിലൂടെയാണ് രോഗബാധ. 728 പേരുടെ സമ്പര്ക്ക ഉറവിടം വ്യക്തമല്ല. 118 ആരോഗ്യ പ്രവര്ത്തകര്ക്കു കൂടി രോഗം ബാധിച്ചു. 24 മണിക്കൂറിനിടെ 1,42,588 സാമ്പിളുകളാണ് പരിശോധിച്ചത്.
ജന്മഭൂമി ഓണ്ലൈന്