കോഴിക്കോട്: ന്യൂനപക്ഷ ഏകീകരണമാണ് തന്റെ പരാജയത്തിന് കാരണമെന്ന് കല്പ്പറ്റയിലെ എല്ഡിഎഫ് സ്ഥാനാര്ഥി എം.വി. ശ്രേയാംസ് കുമാര്. യുഡിഎഫിലെ ടി. സിദ്ദിഖിനോടാണ് ശ്രേയാംസ് പരാജയപ്പെട്ടത്.
എല്ഡിഎഫ് ശക്തി കേന്ദ്രങ്ങളില് പോലും വന്തോതില് വോട്ട് ചോര്ച്ചയുണ്ടായി. ഇടത് മുന്നേറ്റം ഉണ്ടായപ്പോള് തന്നെ പരാജയപ്പെടുത്താന് ന്യൂനപക്ഷങ്ങള് ശ്രമിച്ചുവെന്ന് ശ്രേയാംസ് തുറന്നടിച്ചു. താന് സ്ഥാനാര്ഥിയായപ്പോള് മുതല് മണ്ഡലത്തില് ന്യൂനപക്ഷ ഏകീകരണമുണ്ടായി. ഇതിനെ മറി കടക്കാന് വേണ്ട നീക്കങ്ങളൊന്നും എല്ഡിഎഫിന്റെ ഭാഗത്തു നിന്നുണ്ടായില്ല. അതാണ് വലിയ പരാജയത്തിന് കാരണമെന്നും സിപിഎം നേതൃത്വത്തെ ഉന്നമിട്ട് ശ്രേയാംസ് കുമാര് പറഞ്ഞു.
2016ല് 13,083 വോട്ടുകളുടെ ഭൂരിപക്ഷത്തിലാണ് എല്ഡിഎഫ് സ്ഥാനാര്ഥി സി.കെ. ശശീന്ദ്രന് വിജയിച്ചത്. അന്ന് രണ്ടാം സ്ഥാനത്തെത്തിയത് യുഡിഎഫ് സ്ഥാനാര്ഥിയായി മത്സരിച്ച ശ്രേയാംസ് കുമാറായിരുന്നു. ഇക്കുറി ഇടത് പാളയത്തിലെത്തി മത്സരിച്ചിട്ടും ശ്രേയാംസിന് വിജയിക്കാനായില്ല.
ജന്മഭൂമി ഓണ്ലൈന്