തൃശൂര്: ഒല്ലൂരില് വന്കഞ്ചാവ് വേട്ട. ഒല്ലൂര് തൈക്കാട്ടുശേരിയില് നിന്ന് 27 കിലോ കഞ്ചാവ് പോലീസ് പിടികൂടി. സംഭവവുമായി ബന്ധപ്പെട്ട് തൈക്കാട്ടുശ്ശേരി സ്വദേശി സുന്ദരനെ (60) ഒല്ലൂര് പോലീസ് അറസ്റ്റ് ചെയ്തു. പ്രതിയുടെ കൂട്ടാളികളെ കുറിച്ച് അന്വേഷണം ആരംഭിച്ചതായി പോലീസ് അറിയിച്ചു. തൈക്കാട്ടുശ്ശേരിയിലെ ഒഴിഞ്ഞപറമ്പിലെ ഷെഡില് നിന്നാണ് കഞ്ചാവ് പിടികൂടിയത്. ഏറെ നാളുകളായി ഇവിടെ കഞ്ചാവ് സൂക്ഷിച്ചു വരികയായിരുന്നു. സുന്ദരന്റെ അറിവോടെ കഞ്ചാവ് മൊത്തമായും ചില്ലറയായും ഇവിടെ നിന്ന് വില്ക്കാറുണ്ടെന്നാണ് സൂചന.
അറസ്റ്റിലായ സുന്ദരന് കഞ്ചാവ് വില്പ്പനക്കാരനല്ലെങ്കിലും കഞ്ചാവ് മാഫിയവുമായി ബന്ധമുണ്ടെന്ന് പോലീസ് പറഞ്ഞു. രഹസ്യവിവരത്തെ തുടര്ന്ന് ഒല്ലൂര് എസിപി ദേവദാസിന്റെ നിര്ദ്ദേശമനുസരിച്ചാണ് പോലീസ് റെയ്ഡ് നടത്തിയത്. ഷാഡോ പോലീസും പരിശോധനയില് പങ്കെടുത്തു. ഒല്ലൂര് എസ്ഐ എം.ആര് അരുണ്കുമാര്, ജൂനിയര് എസ്ഐ അഖില്ദേവ്, എഎസ്ഐമാരായ സോമന്, രാജന്, രഘു, സീനിയര് സിപിഒ ലാല എന്നിവരടങ്ങിയ സംഘമാണ് പ്രതിയെ പിടികൂടിയത്.
