ബത്തേരി: സംസ്ഥാനത്തിനകത്തേക്ക് ബസ്സില് എത്തുന്ന യാത്രകള്ക്കും ആര്ടിപിസിആര് നെഗറ്റീവ് സര്ട്ടിഫിക്കറ്റ് നിര്ബന്ധമാക്കി. ഇന്നലെ മുതലാണ് ഇതര സംസ്ഥാനത്തുനിന്നും സംസ്ഥാനത്തേക്ക് ബസ്സിലെത്തുന്നവര്ക്കും ആര്പിടിസിആര് നിര്ബന്ധമാക്കിയത്.
കര്ണാടകയില് നിന്നും കേരളത്തിലേക്ക് ബസ്സില് യാത്രചെയ്യാനെത്തുവര്ക്ക് കൊറോണ ആര്ടിപിസിആര് സര്ട്ടിഫിക്കറ്റ് ഉണ്ടങ്കില് മാത്രം യാത്ര അനുവദി്ച്ചാല് മതിയെന്ന നിര്ദേശമാണ് അന്തര്സംസ്ഥാന സര്വ്വീസ് നടത്തുന്ന ആര്ടിസി ജീവനക്കാര്ക്ക് ഉദ്യോഗസ്ഥര് നല്കുന്നത്. പരിശോധനയുടെ ഭാഗമായി ബസ് കല്ലൂര് 67 ല് ഫെസിലിറ്റേഷന് സെന്ററില് കൂടുതല് സമയം പിടിച്ചിടാന് പറ്റാത്തതിനാലും തിരക്കൊഴിവാക്കാനുമാണ് ഇത്തരമൊരു തീരുമാനമെന്ന് അധികൃതര് വ്യക്തമാക്കി.
അതേസമയം കൊറോണ രണ്ടാംതരംഗത്തില് രോഗികളുടെ എണ്ണം ക്രമാതീതമായി കൂടുന്നത് അയല് സംസ്ഥാനങ്ങളില് നിന്നും ബസ്സുകളില് യാത്രചെയ്യുന്നവരുടെ എണ്ണത്തിലും കുറവുവന്നിട്ടിട്ടുണ്ട്.
