പുനെ: കോവിഡ് പടര്‍ന്നുപിടിക്കുന്ന സാഹചര്യത്തില്‍ മുഖംമൂടി ധരിക്കാന്‍ ഉപദേശിച്ചതിന് ആര്‍എസ് എസ് പ്രവര്‍ത്തകനെ മൂന്ന് ചെറുപ്പക്കാര്‍ അടിച്ചുകൊന്നു.
ഏപ്രില്‍ ഏഴിനായിരുന്നു സംഭവം. 17-കാരനായ ആര്‍എസ്എസ് പ്രവര്‍ത്തകനാണ് മരിച്ചത്. അഭിഷേക് സന്തോഷ് ഫുലംബ്രികര്‍ എന്ന മെഡന്‍കാര്‍വാഡി സ്വദേശിയാണ് കൊല്ലപ്പെട്ടത്. അമ്മ മാലിനി സന്തോഷ് ഫുലംബ്രികര്‍ നല്‍കിയ പരാതിയുടെ അടിസ്ഥാനത്തില്‍ ചകന്‍ പൊലിസ് മൂന്ന് ചെറുപ്പക്കാര്‍ക്കെതിരെ കേസെടുത്തു. 302 (കൊലപാതകം), 34 (പൊതു താല്‍പര്യം) എന്നീ ഇന്ത്യന്‍ ശിക്ഷാനിയമത്തിലെ വകുപ്പുകള്‍ പ്രകാരമാണ് കേസ്.
മേഡന്‍കാര്‍വാഡി സ്വദേശി ഗണേഷ് ഭേരു റെഡ്ഡി (25)യെ പൊലീസ് അറസ്റ്റ് ചെയ്തു. കൊലയാളികളായ മൂന്ന് ചെറുപ്പക്കാരോടും മുഖം മൂടി ധരിക്കാന്‍ അഭിഷേക് സന്തോഷ് ഫുലംബ്രികര്‍ ആവശ്യപ്പെട്ടിരുന്നു. ഇതില്‍ കുപിതരായ മൂന്ന് ചെറുപ്പക്കാരും അഭിഷേകിനെ തൊട്ടടുത്ത മൈതാനത്തേക്ക് കൂട്ടിക്കൊണ്ടുപോയി. പിന്നീട് കല്ലും വടികളും ഉപയോഗിച്ച് ആക്രമിച്ചു. ചകാനിലെ ഒരു സ്വകാര്യ ആശുപത്രിയില്‍ പ്രവേശിപ്പിച്ചു. പിന്നീട് പിംപ്രിയിലെ വൈസിഎം ആശുപത്രിയില്‍ പ്രവേശിപ്പിച്ചെങ്കിലും മരിച്ചു.
പ്രതികരിക്കാൻ ഇവിടെ എഴുതുക: