മികച്ച പ്രതികരണവുമായി മോഹന്‍ലാല്‍ ചിത്രം ആറാട്ട് ന്റെ ടീസര്‍. ത്രസിപ്പിക്കുന്ന ആക്ഷന്‍ രംഗങ്ങളുമായി എത്തിയിരിക്കുന്ന ടീസര്‍ യൂട്യൂബ് ട്രെന്റിംഗില്‍ ഒന്നാമതായി മുന്നേറുകയാണ്. ഇടിനോടകം 19.6 ലക്ഷം പേരാണ് ടീസര്‍ കണ്ടിരിക്കുന്നത്.
ബി ഉണ്ണികൃഷ്ണന്‍ സംവിധാനം ചെയ്യുന്ന ചിത്രം സജീഷ് മഞ്ചേരിയും ആര്‍ഡി ഇല്ലുമിനേഷനും ചേര്‍ന്നാണ് നിര്‍മ്മിച്ചിരിക്കുന്നത്. ഉദയകൃഷ്ണയാണ് തിരക്കഥ ഒരുക്കിയിരിക്കുന്നത്. വിജയ രാഘവന്‍, സായ് കുമാര്‍, സിദ്ദിഖ്, ജോണി ആന്റണി, ഇന്ദ്രന്‍സ് എന്നിവരും ആറാട്ടില്‍ പ്രധാന വേഷങ്ങളില്‍ എത്തുന്നു. ശ്രദ്ധാ ശ്രീനാഥാണ് നായിക.
ടീസറിന് കിട്ടിയ മികച്ച സ്വീകാര്യതയ്‌ക്ക് പ്രവര്‍ത്തകര്‍ പ്രേക്ഷകര്‍ക്ക് നന്ദി അറിയിച്ചു. 10 ലക്ഷം വ്യൂവ്‌സ് പിന്നിട്ട വിവരം ട്വീറ്റ് ചെയ്താണ് സംവിധായകന്‍ ബി. ഉണ്ണികൃഷ്ണന്‍ സന്തോഷം പ്രകടിപ്പിച്ചത്.
പ്രതികരിക്കാൻ ഇവിടെ എഴുതുക: