കമ്പം: കേരളത്തിലെ വരിക്കച്ചക്കയ്‌ക്കു തമിഴ്‌നാട്ടില്‍ പൊന്നുംവില. ഒരു വരിക്കച്ചക്കയ്‌ക്ക് 100 മുതല്‍ 200 വരെയാണ് തമിഴ്‌നാട്ടില്‍ വില. കമ്പം-തേനി ദേശീയ പാതയോരങ്ങളിലും കൊല്ലം-ചെങ്കോട്ട-തെങ്കാശി ദേശീയ പാതയോരത്തുമാണ് വരിക്കച്ചക്ക കച്ചവടം പൊടിപൊടിക്കുന്നത്.
വരിക്കച്ചക്ക ചുള ഒന്നിന് അഞ്ചുരൂപ വരെയാണു വില. കേരളത്തില്‍ ചരക്ക് ഇറക്കി കാലിയാകുന്ന ലോറികളെല്ലാം ചക്ക നിറച്ചാണു ഇപ്പോള്‍ തിരികെ തമിഴ്‌നാട്ടിലേക്കു എത്തുന്നത്. ചക്ക സീസണ്‍ തുടങ്ങിയതോടെ ചക്ക ഷേക്ക് മുതല്‍ ഇടിച്ചക്കവരെ തമിഴ്‌നാട്ടില്‍ പ്രിയമേറുകയാണ്. കേരളത്തില്‍ നിന്നും ചക്ക തമിഴ്‌നാട്ടിലേക്ക് എത്തിക്കാന്‍ പ്രത്യേക സംഘം തന്നെയുണ്ട്.
പ്രതികരിക്കാൻ ഇവിടെ എഴുതുക: