വെള്ളാങ്ങല്ലൂര്‍: വളര്‍ത്തു മൃഗങ്ങളായ എരുമ, പോത്ത് എന്നിവയെ മോഷ്ടിക്കുന്ന അഞ്ചംഗ സംഘം പോലീസ് പിടിയില്‍. വെള്ളാങ്ങല്ലൂരില്‍ താമസിക്കുന്ന വൈപ്പിന്‍ സ്വദേശി കുക്കു എന്ന് വിളിക്കുന്ന ബിബിന്‍ (33), അഴീക്കോട് പേബസാറില്‍ സലാം (37), വൈപ്പിന്‍ സ്വദേശി ജപ്പാന്‍ കുഞ്ഞ് എന്ന് വിളിക്കുന്ന ജോബി (39), ചാക്കോച്ചി എന്ന ഷിബു (44), ചുമ്മാര്‍ എന്ന സുബൈര്‍ (44) എന്നിവരാണ് പിടിയിലായത്.
പകല്‍ സമയങ്ങളില്‍ പോത്തുകളെ കണ്ടെത്തിയ ശേഷം രാത്രി വാഹ്നങ്ങളുമായി വന്ന് കൊണ്ടു പോകുകയാണ് ഇവരുടെ രീതി. അഞ്ചു പേരും ചേര്‍ന്ന് ഉരുക്കളെ കെട്ടിയിട്ട സ്ഥലത്തു നിന്ന് പൊക്കിയെടുത്ത് വാഹനത്തില്‍ കയറ്റി മുകളില്‍ ഷീറ്റിട്ടാണ് കൊണ്ടു പോയിരുന്നത്. വളര്‍ത്തു മൃഗങ്ങള്‍ അഴിഞ്ഞു പോയതാണെന്നു കരുതി പലരും പരാതി നല്‍കിയിരുന്നില്ല.
വെള്ളാങ്ങല്ലൂര്‍ കരൂപ്പടന്ന സ്വദേശി ഗോപിയുടെ രണ്ട് എരുമകളും വള്ളിവട്ടം സ്വദേശി സരളയുടെ രണ്ട് എരുമകളും മോഷണം പോയിരുന്നു. ഇവര്‍ നല്‍കിയ പരാതിയുടെ അടിസ്ഥാനത്തില്‍ നടത്തിയ അന്വേഷണത്തിലാണ് പ്രതികള്‍ പിടിയിലായതെന്ന് പോലീസ് അറിയിച്ചു.
പ്രതികരിക്കാൻ ഇവിടെ എഴുതുക: