നവാഗതനായ വിഷ്ണു മോഹന് സംവിധാനം ചെയ്ത് ഉണ്ണി മുകുന്ദന് കേന്ദ്ര കഥാപാത്രമായി എത്തുന്ന മേപ്പടിയാന് എന്ന സിനിമയിലെ ആദ്യ ഗാനം ഏറ്റെടുത്ത് സമൂഹ മാധ്യമങ്ങള്. ‘കണ്ണില് മിന്നും’ എന്നാരംഭിക്കന്ന ഗാനം കാര്ത്തിക്, നിത്യ മാമെന് എന്നിവര് ചേര്ന്നാണ് ആലപിക്കുന്നത്. ജോ പോള് എഴുതിയ വരികള്ക്ക് രാഹുല് സുബ്രഹ്മണ്യന് സംഗീതം പകരുന്നു.
ഉണ്ണി മുകുന്ദന് ഫിലിംസിന്റെ ബാനറില് ഉണ്ണി മുകുന്ദന് തന്നെയാണ് ഈ ചിത്രം നിര്മ്മിക്കുന്നത്. ഫാമിലി എന്റര്ടൈനറായ മേപ്പടിയാനില് അഞ്ജു കുര്യനാണ് നായിക. ഇന്ദ്രന്സ്, കോട്ടയം രമേഷ്, സൈജു കുറുപ്പ്, അജു വര്ഗീസ്, കലാഭവന് ഷാജോണ്, മേജര് രവി, ശങ്കര് രാമകൃഷ്ണന്, ശ്രീജിത്ത് രവി, നിഷ സാരംഗ് തുടങ്ങിയ പ്രമുഖരും ഈ ചിത്രത്തില് അഭിനയിക്കുന്നു.
നീല് ഡി കുഞ്ഞ ഛായാഗ്രഹണം നിര്വഹിക്കുന്നു. സംഗീതം- രാഹുല് സുബ്രമണ്യന്, എഡിറ്റര്- ഷമീര് മുഹമ്മദ്, ലൈന് പ്രൊഡ്യൂസര് ഹാരിസ് ദേശം, പോസ്റ്റര് ഡിസൈനര്- ആനന്ദ് രാജേന്ദ്രന്, വാര്ത്ത പ്രചരണം എ.എസ്. ദിനേശ്.
