തിരുവനന്തപുരം: കേരളത്തിലടക്കം നിയമസഭാ തെരഞ്ഞെടുപ്പിന്റെ ആദ്യ മണിക്കൂറുകള് പിന്നിടുന്നതിനിടെ മലയാളത്തില് ട്വീറ്റ് ചെയ്ത് ആഭ്യന്തരമന്ത്രി അമിത് ഷാ. അഴിമതിരഹിതവും പ്രീണനമുക്തമായ ഒരു സര്ക്കാരിനെ കേരളത്തില് തിരഞ്ഞെടുക്കേണ്ട സമയമാണിതെന്ന് അമിത് ഷാ ട്വിറ്ററില് കുറിച്ചു.
‘അഴിമതിരഹിതവും പ്രീണനമുക്തമായ ഒരു സര്ക്കാര് കേരളത്തില് അധികാരത്തില് വരുവാന് തക്ക സഖ്യത്തെ തിരഞ്ഞെടുക്കേണ്ട സമയമാണിത്. എല്ലാവരോടും, പ്രത്യേകിച്ച് എന്റെ യുവസുഹൃത്തുക്കളോടും കന്നിവോട്ടര്മാരോടും മുന്നോട്ടു വന്നു നിങ്ങളുടെ സമ്മതിദാനവകാശം വിനിയോഗിക്കാന് അഭ്യര്ത്ഥിക്കുന്നു.’ അമിത് ഷാ ട്വീറ്റ് ചെയ്തു.
കേരളത്തിനൊപ്പം തമിഴ്നാട്ടിലും പുതുച്ചേരിയിലും തെരഞ്ഞെടുപ്പ് പുരോഗമിക്കുകയാണ്. തമിഴിലും അമിത് ഷാ ട്വീറ്റ് ചെയ്തിരുന്നു. ശക്തമായ ഇച്ഛാശക്തിയും അഴിമതിരഹിതവുമായ സര്ക്കാരിനു മാത്രമേ തമിഴ്നാടിന്റെ പുരോഗതിയും വളര്ച്ചയും ഉറപ്പാക്കാന് കഴിയൂ. സംസ്ഥാനത്തെ എല്ലാ വോട്ടര്മാരോടും മുന്നോട്ടു വന്നു നിങ്ങളുടെ സമ്മതിദാനവകാശം വിനിയോഗിക്കാന് അഭ്യര്ത്ഥിക്കുന്നുവെന്ന് അമിത് ഷാ തമിഴിലും കുറിച്ചു.
