യുവനടി ദുര്‍ഗ കൃഷ്ണ വിവാഹിതയായി. നിര്‍മാതാവ് അര്‍ജുന്‍ രവീന്ദ്രനാണ് വരന്‍. ഗുരുവായൂര്‍ ക്ഷേത്രത്തില്‍ നടന്ന ചടങ്ങില്‍ ഇരുവരുടെയും അടുത്ത ബന്ധുക്കള്‍ മാത്രമാണ് പങ്കെടുത്തു. സിനിമാരംഗത്തുള്ളവര്‍ക്കായി കൊച്ചിയില്‍ പ്രത്യേകം വിരുന്ന് നടത്തും. കഴിഞ്ഞ നാല് വര്‍ഷമായി ഇരുവരും പ്രണയത്തിലായിരുന്നു. വിവാഹശേഷവും തുടര്‍ന്ന് അഭിനയിക്കുമെന്ന് ദുര്‍ഗ കൃഷ്ണ പറഞ്ഞു.
പൃഥ്വിരാജിന്റെ നായികയായി വിമാനം എന്ന ചിത്രത്തിലൂടെയാണ് ദുര്‍ഗ മലയാള സിനിമയിലേക്ക് അരങ്ങേറ്റം കുറിച്ചത്. പ്രേതം, ലൗ ആക്ഷന്‍ ഡ്രാമ, കുട്ടിമാമ, കണ്‍ഫഷന്‍ ഓഫ് കുക്കൂസ് തുടങ്ങിയ ചിത്രങ്ങളില്‍ വേഷമിട്ടു. മോഹന്‍ലാല്‍ ചിത്രം റാം ആണ് താരത്തിന്റെതായി ഒരുങ്ങുന്ന പുതിയ സിനിമ.
പ്രതികരിക്കാൻ ഇവിടെ എഴുതുക: