ആലപ്പുഴ: എല്ഡിഎഫ് കൊണ്ടുവരാന് ശ്രമിച്ച ആഴക്കടല് മത്സ്യബന്ധനക്കരാറിലെ ആശങ്കകള് നേരിട്ടറിയിക്കാന് ആലപ്പുഴ രൂപത ബിഷപ്പ് കേന്ദ്ര ഫിഷറീസ് മന്ത്രിയുമായി കൂടിക്കാഴ്ച നടത്തി.
ഞായറാഴ്ച തെരഞ്ഞെടുപ്പ് പ്രചാരണത്തിനായി ആലപ്പുഴയിലെത്തിയതായിരുന്നു കേന്ദ്ര ഫിഷറീസ് വകുപ്പ് മന്ത്രി ഗിരിരാജ് സിങ്ങ്. ആലപ്പുഴ ബിഷപ്പ് ഡോ. ജെയിംസ് ആനാപറമ്പിലാണ് കേന്ദ്രമന്ത്രിയുമായി കൂടിക്കാഴ്ച നടത്തിയത്.
മത്സ്യത്തൊഴിലാളികള്ക്ക് ദോഷകരമായതൊന്നും ചെയ്തിട്ടില്ലെന്ന് കേന്ദ്രമന്ത്രി ഗിരിരാജ് സിങ് കൂടിക്കാഴ്ചയ്ക്ക് ശേഷം മാധ്യമപ്രവര്ത്തകരോട് അഭിപ്രായപ്പെട്ടു. മത്സ്യബന്ധനവുമായി ബന്ധപ്പെട്ട് കേ്ന്ദ്ര അനുമതി ഇല്ലാത്ത കരാറുകള് നിലനില്ക്കില്ലെന്നും 12 നോട്ടിക്കല് മൈല് വരെയേ സംസ്ഥാന സര്ക്കാരിനു നിയന്ത്രണമുള്ളു എന്നും മന്ത്രി പറഞ്ഞു.
