കോട്ടയം: നാടിളക്കി നാട്ടുകാരുടെ ഹൃദയം കീഴടക്കി എന്ഡിഎ സ്ഥാനാര്ത്ഥി മിനര്വ മോഹന്റെ പ്രചാരണം. മണ്ഡലത്തിന്റെ മുക്കിലും മൂലയിലും എത്തിയ സ്ഥാനാര്ത്ഥി നാട്ടുകാരുടെ മനസ് കീഴടക്കിക്കഴിഞ്ഞു. മണ്ഡലത്തിലുടനീളം വ്യക്തി ബന്ധം സ്ഥാപിച്ച സ്ഥാനാര്ത്ഥി ഓരോ സ്ഥലത്തും എത്തുമ്പോള് ആളുകളുമായി സൗഹൃദം പങ്കിട്ടാണ് മുന്നോട്ട് പോകുന്നത്.
എന്ഡിഎ പ്രവര്ത്തകര് മാത്രമല്ല, രാഷ്ട്രീയ വ്യത്യാസമില്ലാതെ ഓരോ പ്രദേശത്തെ നാട്ടുകാരും ഇപ്പോള് സ്ഥാനാര്ത്ഥിക്കൊപ്പം സജീവമായി രംഗത്തിറങ്ങിയിട്ടുണ്ട്. ഇന്നലെ രാവിലെ മാങ്ങാനം പ്രദേശത്തു നിന്നാണ് എന്ഡിഎ സ്ഥാനാര്ത്ഥി മിനര്വ മോഹന്റെ പ്രചാരണ പരിപാടികള് ആരംഭിച്ചത്. പ്രദേശത്തെ വീടുകളില് സന്ദര്ശനം നടത്തിയ സ്ഥാനാര്ത്ഥി സാധാരണക്കാരെ നേരില്കാണുന്നതിനാണ് വീടുകളില് എത്തിയത്. കേന്ദ്ര സര്ക്കാരിന്റെ വികസന നേട്ടങ്ങള് എണ്ണിയെണ്ണിപ്പറഞ്ഞാണ് ഓരോ വീടുകളിലും സ്ഥാനാര്ത്ഥി എത്തുന്നത്. തുടര്ന്നു മൂലേടം പ്രദേശത്ത് എത്തിയ സ്ഥാനാര്ത്ഥി ഇവിടെ ഗ്രാമപ്രദേശങ്ങളിലെ ചെറുയോഗങ്ങളില് പങ്കെടുത്തു. തുടര്ന്നു നാട്ടകത്തും പുല്ലരിക്കുന്നില്ലും പ്രചാരണ പ്രവര്ത്തനങ്ങളിലും ഗൃഹസമ്പര്ക്കങ്ങളിലും സ്ഥാനാര്ത്ഥി സജീവമായി പങ്കെടുത്തു.
വൈകിട്ട് നട്ടാശേരിയില് നടന്ന കുടുംബയോഗത്തില് പങ്കെടുത്ത സ്ഥാനാര്ത്ഥി ഇവിടെ കേന്ദ്ര സര്ക്കാരിന്റെ വികസന പ്രവര്ത്തനങ്ങള് ഫലപ്രദമായി അവതരിപ്പിച്ചു. പലയിടത്തും സിപിഎം പ്രവര്ത്തകരാണ് സ്ഥാനാര്ത്ഥിയെ സ്വീകരിക്കുന്നതിനായി പാര്ട്ടിവിലക്ക് ലംഘിച്ച് ഓടിയെത്തുന്നത്. വൈകിട്ട് പടിഞ്ഞാറന് മേഖലയിലെ ഗൃഹസമ്പര്ക്കത്തിലും, മേഖല കണ്വന്ഷനിലും സ്ഥാനാര്ത്ഥി പങ്കെടുത്തു.
