ചങ്ങനാശ്ശേരി: ചരിത്രമുറങ്ങുന്ന ചങ്ങനാശ്ശേരി മാര്‍ക്കറ്റിലുള്ള അഞ്ചു വിളക്കിന്റെ ചുവട്ടില്‍ നിന്നും എന്‍ഡിഎ സ്ഥാനാര്‍ത്ഥി അഡ്വ.ജി. രാമന്‍ നായരുടെ ആവേശകരമായ തെരഞ്ഞെടുപ്പ് പദയാത്രയ്‌ക്ക് തുടക്കമായി. സ്ഥാനാര്‍ത്ഥിയുടെ ചിത്രവും വഹിച്ച് മൂന്നുറിലധികം വരുന്ന പ്രവര്‍ത്തകരാണ് പദയാത്രയില്‍ അണിനിരന്നത്.
ദശാബ്ദങ്ങളായി ജി.രാമന്‍ നായരെ അറിയുന്ന മാര്‍ക്കറ്റിലെ തൊഴിലാളികളും വ്യാപാരികളും പദയാത്ര കടന്നു വന്ന സമയത്ത് ആവേശപൂര്‍വ്വം അദ്ദേഹത്തെ സ്വീകരിക്കുന്ന കാഴ്ചയാണ് കാണാന്‍ കഴിഞ്ഞത്. തൊഴിലാളികള്‍ ഷാളണിയിച്ചം ഹസ്തദാനം ചെയ്തും തങ്ങളുടെ പ്രീയ നേതാവിനോടുള്ള ആദരവ് അറിയിച്ചു. യാത്ര വട്ടപ്പള്ളി, വണ്ടിപ്പേട്ട, കവല, എന്നിവടങ്ങളിലൂടെ കടന്ന് പെരുന്നയില്‍ സമാപിച്ചു.
കടന്നു വന്ന പാതയില്‍ ഇരുവശത്തുമുള്ള വ്യാപാര സ്ഥാപനങ്ങിലും, ഓട്ടോ തൊഴിലാളികള്‍, ചുമട്ടുതൊഴിലാളികള്‍, പൊതുജനങ്ങള്‍ എന്നിവരോടും പോലീസ് സ്റ്റേഷനിലും എത്തി വോട്ടഭ്യര്‍ത്ഥന നടത്തി. പദയാത്ര പെരുന്നയില്‍ സമാപിച്ചു.
നേതാക്കളായ എ. മനോജ്, ബി. രാധാകൃഷ്ണമേനോ ന്‍, പി.കെ. കൃഷ്ണന്‍, എം. ബി. രാജഗോപാല്‍, എന്‍.പി. കൃഷ്ണകുമാര്‍, പി.പി. ധീരസിംഹന്‍, ലാല്‍ കൃഷ്ണ, ബി.ആര്‍.മഞ്ജീഷ്, വി.വി.വിനയകുമാര്‍, രാമകൃഷ്ണന്‍, പ്രസന്നകുമാരി, പി.സുരേന്ദ്രനാഥ്, മനീഷ് മൂലയില്‍, കെ.കെ. സുനില്‍, പഞ്ചായത്ത് പ്രസിഡന്റുമാരായ ഒ.ടി.സുനില്‍, കെ.കെ.ഉദയകുമാര്‍, മോഹന്‍ദാസ്,കെ.ഡി.രാജു,വിവിധ സംഘടനാ ഭാരവാഹികളായ കെ.ആര്‍.ഗോപാലകൃഷ്ണന്‍,സി.ആര്‍.രാധാകൃഷ്ണന്‍,പി.കെ.ഗോപാലകൃഷ്ണന്‍,ജോഷി മാടപ്പള്ളി, ശാന്തി മുരളി,പി.കെ.ജോഷ്വാ, സി.മോനിച്ചന്‍, സന്ധ്യാ എസ് പിള്ള എന്നിവര്‍ പങ്കെടത്തു.
പ്രതികരിക്കാൻ ഇവിടെ എഴുതുക: