കാസര്കോട്: മുളിഗദ്ദേ താല്തജെ കോളനിയിലുള്ളവര്ക്ക് കെ.സുരേന്ദ്രനെ പ്രത്യേകമായി പരിജയപ്പെടുത്തേണ്ട ആവശ്യമില്ല. അവര്ക്ക് എന്നും സുപരിചനാണ് മഞ്ചേശ്വരം മണ്ഡലത്തിലെ എന്ഡിഎ സ്ഥാനാര്ത്ഥിയും ബിജെപി സംസ്ഥാന അധ്യക്ഷനുമായ കെ.സുരേന്ദ്രന്. കെ.സുരേന്ദ്രന്റെ ഇന്നലത്തെ വരവ് ആഘോഷമാക്കുകയായിരുന്നു കോളനി നിവാസികള്.
മഞ്ചേശ്വരം മണ്ഡലത്തിലെ കായര്കാറ്റെയില് പൈവളിഗെ പഞ്ചായത്ത് കണ്വെന്ഷന് ഉദ്ഘാടനം ചെയ്തുകൊണ്ടാണ് കെ.സുരേന്ദ്രന് ഇന്നലത്തെ തന്റെ പര്യടനം ആരംഭിച്ചത്. ഉച്ചയ്ക്ക് 12 മണിയോടെയാണ് ബായര് മുളിഗദ്ദേ കോളനിയില് കെ.സുരേന്ദ്രന് എത്തിയത്. തങ്ങളുടെ പ്രിയ നേതാവിനെ കാണാന് കോളനിവാസികള് കാത്തു നിന്നു. വോട്ടഭ്യര്ത്ഥിച്ച് കെ.സുരേന്ദ്രന് ഓരോരുത്തരുടേയും അടുത്തെത്തിയപ്പോള് പലര്ക്കും പ്രിയ നേതാവിനൊപ്പം സെല്ഫി എടുക്കണമെന്നായി. അമ്മമാരാകട്ടെ കലയില് കൈവച്ച് സുരന്ദ്രന് വിജയാശംസയും നേര്ന്നു. എല്ലാവരോടും കുശലാനേഷണം നടത്തിയും വോട്ടുറപ്പിച്ചും മടങ്ങിയപ്പോള് ഒരു മണിക്കൂര് പിന്നിട്ടു. തുടര്ന്ന് ജോടുകല്ലു ജോഗി കോളനിയിലായിരുന്നു സന്ദര്ശനം.
സൂരംബൈലില് പുത്തിഗെ പഞ്ചായത്ത് കണ്വെന്ഷനിലും സീ കോളനിയും സന്ദര്ശിച്ച്. വൈകിട്ട് നാലുമണിയോടെ മംഗല്പാടി പഞ്ചായത്ത് കണ്വെന്ഷനിലും ആറിന് മീഞ്ച പഞ്ചായത്ത് കണ്വെന്ഷലും പങ്കെടുത്തു. ഉപ്പള ശ്രീ അയ്യപ്പാ ഭജാന മന്ദിരം സന്ദര്ശിച്ച് പുത്തിഗെ കാമനബൈലു അനന്തപുരം കോളനിയും സന്ദര്ശിച്ചാണ് കെ.സുരേന്ദ്രന് ഇന്നലത്തെ തന്റെ പര്യടനം അവസാനിപ്പിച്ചത്. കണ്വെന്ഷനുകളിലും കോളനികളിലും വന് സ്വീകരണമാണ് കെ.സുരേന്ദ്രന് ലഭിക്കുന്നത്. മഞ്ചേശ്വരം മണ്ഡലത്തില് കെ.സുരേന്ദ്രന്റെ പര്യടനം ഇന്നും തുടരും.
