കൊച്ചി: മോഹന്‍ലാല്‍ സംവിധായകനായി അരങ്ങേറ്റം കുറിക്കുന്ന ബറോസ് സിനിമയുടെ പൂജ കാക്കനാട് നവോദയ സ്റ്റുഡിയോയില്‍ നടന്നു. മോഹന്‍ലാല്‍ നിലവിളക്ക് കൊളുത്തി. ചിത്രത്തിന്റെ നിര്‍മാതാവ് ആന്റണി പെരുമ്പാവൂര്‍, തിരക്കഥ ഒരുക്കുന്ന ജിജോ പൊന്നൂസ്, പ്രധാന വേഷത്തില്‍ എത്തുന്ന നടന്‍ പൃഥ്വിരാജ് എന്നിവര്‍ പൂജ ചടങ്ങില്‍ പങ്കെടുത്തു. മലയാള സിനിമയില്‍ നിന്നു മമ്മൂട്ടി, ദിലീപ് അടക്കം പ്രമുഖ താരങ്ങളും അണിയറ പ്രവര്‍ത്തകരും പങ്കെടുത്തു.
ഇന്ത്യയിലെ ആദ്യത്തെ ത്രിമാന ചിത്രമായ മൈഡിയര്‍ കുട്ടിച്ചാത്തന്‍ ഒരുക്കിയ ജിജോ പുന്നൂസാണ് സിനിമയുടെ തിരക്കഥയൊരുക്കുന്നത്.വിദേശ നടി പാസ് വേഗയുള്‍പ്പെടെ നിരവധി വിദേശ താരങ്ങളും ചിത്രത്തിലുണ്ട്.ബാറോസ്: ഗാര്‍ഡിയന്‍ ഓഫ് ഡി’ഗാമാസ് ട്രെഷര്‍ എന്ന പേരിലുള്ള നോവല്‍ അടിസ്ഥാനമാക്കി ഒരുങ്ങുന്ന സിനിമയില്‍ ഗോവയും പോര്‍ച്ചുഗലുമാണ് പ്രധാന ലൊക്കേഷനുകള്‍. ആശിര്‍വാദ് സിനിമാസിന്റെ ബാനറില്‍ ആന്റണി പെരുമ്പാവൂരാണ് സിനിമയുടെ നിര്‍മ്മാണം.. സന്തോഷ് ശിവന്‍ ക്യാമറ കൈകാര്യം ചെയ്യും.
പ്രതികരിക്കാൻ ഇവിടെ എഴുതുക: