ആലപ്പുഴ: വലിയ ചുടുകാട് പുന്നപ്ര-വയലാര് രക്തസാക്ഷി സ്മാരകത്തില് പുഷ്പാര്ച്ചന നടത്തിയ സംഭവത്തില് ആലപ്പുഴയിലെ എന്ഡിഎ സ്ഥാനാര്ഥി സന്ദീപ് വാചസ്പതിയെ പിന്തുണച്ച് തുഷാര് വെള്ളാപ്പള്ളി. ആര്ക്കും കയറാവുന്ന സ്ഥലമാണ് പുന്നപ്ര-വയലാര് സ്മാരകമെന്ന് തുഷാര് വെള്ളാപ്പള്ളി പറഞ്ഞു. പുന്നപ്ര-വയലാര് സ്വാതന്ത്ര്യ സമരമല്ലെന്ന് ചരിത്രമറിയുന്നവര്ക്ക് അറിയാം. സമര സേനാനികളുടെ പെന്ഷന് ഒഴിവാക്കുന്നതിനെ അനുകൂലിക്കുന്നില്ലെന്നും അദ്ദേഹം കൂട്ടിച്ചേര്ത്തു.
നാമനിര്ദേശപത്രിക സമര്പ്പിക്കുന്നതിന് മുന്പായിരുന്നു ബിജെപി പ്രവര്ത്തകര്ക്കൊപ്പം സന്ദീപ് വാചസ്പതി സ്മാരകത്തിലെത്തി പുഷ്പാര്ച്ചന നടത്തിയത്. പുന്നപ്രയിലും വയലാറിലും കമ്മ്യൂണിസ്റ്റ് പ്രസ്ഥാനത്തെ വിശ്വസിച്ചതിലൂടെ ജീവന് നഷ്ടമായവര്ക്ക് ആദരമര്പ്പിക്കാനായിട്ടാണ് പുഷ്പാര്ച്ചന നടത്തിയതെന്നായിരുന്നു സന്ദീപ് വാചസ്പതിയുടെ പ്രതികരണം. പിന്നാലെ മുഖ്യമന്ത്രി അടക്കമുള്ള സിപിഎം നേതാക്കള് വിമര്ശനവുമായി രംഗത്തെത്തിയിരുന്നു.
