ന്യൂദല്ഹി : രാജ്യത്ത് കോവിഡ് വാക്സിന് വിതരണം വേഗത്തില് ആക്കാന് ഒരുങ്ങി കേന്ദ്ര സര്ക്കാര്. ഇതിന്റെ ഭാഗമായി കേന്ദ്രം 120 മില്യണ് കോവിഡ് വാക്സിനുകള് രാജ്യത്തിനായി നല്കാന് കേന്ദ്രം നിര്മാണ കമ്പനികളോട് ആവശ്യപ്പെട്ടിട്ടുണ്ട്.
രാജ്യത്തെ ചില സംസ്ഥാനങ്ങളില് വൈറസ് വ്യാപനത്തില് ഇനിയും കുറവ് വന്നിട്ടില്ല. ഇത് കൂടാതെ കോവിഡിന്റെ രണ്ടാം തരംഗം റിപ്പോര്ട്ട് ചെയ്യപ്പെടുകയും ജാഗ്രതാ മുന്നൊരുക്കത്തിന്റെ ഭാഗമായാണ് വാക്സിന് ഡ്രൈവ് വേഗത്തിലാക്കാന് കേന്ദ്ര സര്ക്കാര് തീരുമാനിച്ചത്.
നിലവില് 120 മില്യണ് വാക്സിന് ഡോസുകളാണ് രാജ്യത്തെ വാക്സിന് നിര്മ്മാണ കമ്പനികളോട് ആവശ്യപ്പെട്ടിരിക്കുന്നത്. ഇതില് 100 മില്യണ് കൊവിഷീല്ഡ് വാക്സിനും 20 മില്യണ് കൊവാക്സിനും ആണ്. പൂനെ സെറം ഇന്സ്റ്റിറ്റ്യൂട്ടാണ് കൊവിഷീല്ഡ് വാക്സിന് നിര്മ്മിക്കുന്നത്. കൊവാക്സിന് ഭാരത് ബയോടെക്കും.
നിലവില് കോവിഡ് വ്യാപനത്തില് മഹാരാഷ്ട്രയാണ് മുന്നില് നില്ക്കുന്നത്. ശനിയാഴ്ച വരെയുള്ള കണക്ക് പ്രകാരം രാജ്യത്ത് 43.6 മില്യണ് വാക്സിന് ഡോസുകളാണ് വിതരണം ചെയ്തിരിക്കുന്നത്. ജൂലായ് അവസാനത്തോടെ രാജ്യത്തെ 300 മില്യണ് ജനങ്ങള്ക്ക് കുത്തിവെപ്പ് നടത്താനാണ് സര്ക്കാരിന്റെ തീരുമാനിച്ചിരിക്കുന്നത്.
