ആലപ്പുഴ: കിഫ്ബിക്കെതിരായ അന്വേഷണം ജനങ്ങളെ അണിനിരത്തിയും നിയമപരമായും നേരിടുമെന്ന് ധനമന്ത്രി തോമസ് ഐസക്. എന്ഫോഴ്സ്മെന്റ് ഡയറക്ടറേറ്റിന്റെ ഭീഷണിക്കുമുന്നില് വഴങ്ങില്ല. തന്നെ അറസ്റ്റ് ചെയ്യാമെങ്കില് ചെയ്തോളൂവെന്ന് എന്ഫോഴ്സ്മെന്റിനെ വെല്ലുവിളിച്ച് തോമസ് ഐസക് പറഞ്ഞു.
കിഫ്ബിക്കെതിരായ അന്വേഷണ പ്രഹസനത്തിന്റെ പേരില് ചില ഉന്നത ഉദ്യോഗസ്ഥരെ അറസ്റ്റ് ചെയ്യാന് നീക്കമുണ്ട്. ഇതുമായി ബന്ധപ്പെട്ട് എല്ലാ ഉത്തരവാദിത്തങ്ങളും താന് ഏറ്റെടുക്കുകയാണ് തന്നെ അറസ്റ്റ് ചെയ്തോളൂവെന്നും തോമസ് ഐസക് അറിയിച്ചു.
കിഫ്ബിക്കെതിരായ അന്വേഷണത്തെ നേരിടും. കിഫ്ബി മോഡലില് കേന്ദ്രസര്ക്കാര് രൂപീകരിക്കുന്ന ഡവലപ്മെന്റ് ഫിനാന്ഷ്യല് ഇന്സ്റ്റിറ്റിയൂഷനെ സിബിഐ അടക്കമുള്ള അന്വേഷണ ഏജന്സികളുടെ പരിധിയില് നിന്ന് ഒഴിവാക്കുകയാണെന്നും മന്ത്രി കൂട്ടിച്ചേര്ത്തു.
