കാസര്‍കോട്: ചെറുവത്തൂര്‍ മടിവയലില്‍ അച്ഛനും രണ്ട് മക്കളും മരിച്ച നിലയില്‍. രൂക്കേഷ് (38), വൈദേഹി (10), ശിവനന്ദ് (6) എന്നിവരെയാണ് മരിച്ച നിലയില്‍ കണ്ടെത്തിയത്.ചെറുവത്തൂര്‍ മടിക്കുന്നിലാണ് ഇന്ന് കാലത്ത് നാടിനെ നടുക്കിയ സംഭവം ഉണ്ടായത്.
വൈദേഹിയും ശിവനന്ദും വീടിനകത്ത് മരിച്ച നിലയിലാണ്. അച്ഛന്‍ രൂകേഷ് വീടിന് കാര്‍പോര്‍ച്ചിന് സമീപം തൂങ്ങി മരിച്ച നിലയിലുമാണ്. കുട്ടികളെ കൊലപ്പെടുത്തി അച്ഛന്‍ തൂങ്ങി മരിച്ചതായാണ് പ്രാധമിക നിഗമനം. പോലീസെത്തി അന്വേഷണം ആരംഭിച്ചു. ഓട്ടോറിക്ഷ തൊഴിലാളിയാണ് രൂകേഷ്. മടിക്കുന്നില്‍ പുതിയ വീടിന്റെ പണി നടന്നു കൊണ്ടിരിക്കുന്ന സ്ഥലത്താണ് മൃതദേഹം കണ്ടെത്തിയത്.
കാഞ്ഞങ്ങാട് സ്വദേശിനി സവിതയാണ് രൂപേഷിന്റെ ഭാര്യ. ഇവര്‍ തമ്മില്‍ അകന്നു കഴിയുകയാണെന്നാണ് നാട്ടുകാര്‍ പറയുന്നത്. പിലിക്കോട് ജി. യുപി സ്‌കൂളിലെ നാലാം ക്ലാസ്സ് വിദ്യാര്‍ത്ഥിനിയാണ് വൈദേഹി. ശിവനന്ദ് ഒന്നാം ക്ലാസ്സ് വിദ്യാര്‍ത്ഥിയാണ്. ചന്തേര സിഐ, എസ്ഐ ഉൾപ്പെടെയുള്ള പോലിസ് സംഘം സ്ഥലത്തെത്തി പരിശോധന ആരംഭിച്ചു.
പ്രതികരിക്കാൻ ഇവിടെ എഴുതുക: