ആലപ്പുഴ: കുട്ടനാട്ടില്‍ സിപിഐ മുന്‍ ജില്ലാ നേതാവ് തമ്പി മേട്ടുതറ എന്‍ഡിഎ സ്ഥാനാര്‍ഥിയാകും. സിപിഐ ആലപ്പുഴ ജില്ലാ എക്‌സിക്യൂട്ടീവ് കമ്മിറ്റി അംഗവും ആലപ്പുഴ ജില്ലാ പഞ്ചായത്ത് മുന്‍ വൈസ് പ്രസിഡന്റുമായിരുന്നു തമ്പി മേട്ടുതറ. സ്വാതന്ത്ര്യസമര സേനാനിയും കമ്മ്യൂണിസ്റ്റ് പാര്‍ട്ടിയുടെ നേതാവുമായിരുന്ന മേട്ടുതറ നാരായണന്റെ മകനുമാണ് അദ്ദേഹം.
പാർട്ടിയിലെ ചില നേതാക്കൾ കഴിഞ്ഞ കുറേ നാളുകളായി വേട്ടയാടുന്നതിൽ പ്രതിഷേധിച്ചാണ് തമ്പി സിപിഐയിൽ നിന്നും രാജിവച്ചത്. താൻ നേരിട്ട പ്രശ്നങ്ങളെക്കുറിച്ച് സംസ്ഥാ‍ന നേതൃത്വം ചർച്ച ചെയ്യാനോ നടപടി സ്വീകരിക്കാനോ തയാറായില്ലെന്നും തമ്പി വ്യക്തമാക്കി. സിപിഐ ജില്ലാ കൗൺസിൽ ഹരിപ്പാട് സീറ്റിൽ ഉൾപ്പെടുത്തിയ മൂന്നുപേരിൽ ഒരാളായിരുന്നു തമ്പി മേട്ടുതറ.
കാനം രാജേന്ദ്രൻ ഏകാധിപതിയാണെന്നും സിപി‌എമ്മിന്റെ ബി ടീമായി സിപിഐ മാറിയിരിക്കുകയാണെന്നും തമ്പി പാർട്ടിക്ക് നൽകിയ രാജിക്കത്തിൽ വ്യക്തമാക്കിയിരുന്നു.
പ്രതികരിക്കാൻ ഇവിടെ എഴുതുക: