പാലക്കാട്: താനൊരു രാഷ്ട്രീയക്കാരനല്ല ടെക്നോക്രാറ്റാണ്. രാഷ്ട്രീയമല്ല നാടിന്റെ വികസനമാണ് തന്റെ ലക്ഷ്യമെന്ന് മെട്രോമാന് ഇ. ശ്രീധരന്. പാലക്കാട്ടെ യുവാക്കളില് തനിക്ക് വിശ്വാസമുണ്ട്. അഞ്ച് കൊല്ലം കൊണ്ട് പാലക്കാടിനെ ഇന്ത്യയിലെ മികച്ച പട്ടണമാക്കി മാറ്റുമെന്നും ഇ. ശ്രീധരന് അറിയിച്ചു.
നിയമസഭാ തെരഞ്ഞെടുപ്പ് പ്രഖ്യാപിച്ചതോടെ ബിജെപി സ്ഥാനാര്ത്ഥിയായി പാലക്കാട് നിന്ന് മത്സരിപ്പിക്കുന്നത് സംബന്ധിച്ച് ചര്ച്ച നടന്നുവരികയാണ്. ഇതുസംബന്ധിച്ച് മാധ്യമങ്ങള് ഉന്നയിച്ച ചോദ്യത്തിന് നല്കിയ മറുപടിയിലാണ് ഇ ശ്രീധരന് ഇക്കാര്യം അറിയിച്ചത്.
മറ്റുള്ളവരെ ആരേയും കുറ്റം പറഞ്ഞ് താന് വോട്ട് പിടിക്കില്ലെന്ന് പറഞ്ഞ അദ്ദേഹം എല്ഡിഎഫ് ഭരണത്തെ വിമര്ശിച്ചു. കഴിഞ്ഞ അഞ്ച് വര്ഷം കേരളത്തില് അഴിമതി ഭരണമായിരുന്നു. അതുകൊണ്ടുതന്നെ എല്ഡിഎഫിന് തുടര് ഭരണം ഉണ്ടാകുമെന്ന് തനിക്ക് പ്രതീക്ഷയില്ലെന്നും ഇ. ശ്രീധരന് പറഞ്ഞു.
വിവാദങ്ങളല്ല വികസനത്തിനാണ് തന്റെ പ്രചാരണത്തില് പ്രാധാന്യം നല്കുന്നത്. പ്രായക്കൂടുതല് അനുഭവ സമ്പത്താകും. പാലക്കടിനെമികച്ച പട്ടണമാക്കി മാറ്റും. ഇത്തവണ ഡിജിറ്റല് പ്രചരണത്തിന് മുന്തൂക്കം നല്കും. ബിജെപി ഏത് ചുമതല നല്കിയാലും ഏറ്റെടുക്കും. മികച്ച നിലയില് ചുമതലകള് നിര്വഹിക്കാനുള്ള ആത്മ ബലവും ദേഹ ബലവും ഉണ്ടെന്നും ഇ.ശ്രീധരന് കൂട്ടിച്ചേര്ത്തു.
