മലപ്പുറം: മലപ്പുറം മാറുമെന്നാണ് പ്രതീക്ഷയെന്നും നരേന്ദ്രമോദിയുടെ പിന്തുണയോടെ മലപ്പുറം നഗരത്തെ സ്മാര്ട്ട് സിറ്റിയാക്കുമെന്നും ബിജെപി നേതാവ് എ.പി. അബ്ദുള്ളക്കുട്ടി.
മലപ്പുറം ഉപതെരഞ്ഞെടുപ്പില് ബിജെപി ടിക്കറ്റില് മത്സരിക്കുന്ന അബ്ദുള്ളക്കുട്ടി മാധ്യമങ്ങളുമായി സംസാരിക്കുകയായിരുന്നു. മലപ്പുറത്തെ ഭൂരിഭാഗം മുസ്ലിങ്ങളും നല്ലവരാണെന്നും തീവ്രവാദികള് ചെറിയ ന്യൂനപക്ഷം മാത്രമാണെന്നും അബ്ദുള്ളക്കുട്ടി പറഞ്ഞു. എല്ഡിഎഫും യുഡിഎഫും ജനങ്ങളുടെ മനസ്സും വികസനവും മുരടിപ്പിച്ചിരിക്കുകയാണെന്നും ഇന്ത്യയില് ഏറ്റവും കൂടുതല് തൊഴിലില്ലായ്മ വര്ധിച്ച സംസ്ഥാനമാണ് കേരളമെന്നും അബ്ദുള്ളക്കുട്ടി പറഞ്ഞു.
പെട്രോള് വിലവര്ധനയ്ക്ക് ഉത്തരവാദി പിണറായിയും തോമസ് ഐസക്കുമാണ്. പെട്രോളിനെ ജിഎസ്ടിയില് ഉള്പ്പെടുത്താന് പറഞ്ഞപ്പോള് കേരളം എതിര്ത്തു. നരേന്ദ്രമോദിയുടെ ഭരണം മുന്നേറുമ്പോള് പെട്രോള് മാഫിയയെ നിലയ്ക്കുനിര്ത്തുമെന്നും അബ്ദുള്ളക്കുട്ടി പറഞ്ഞു.
