പത്തനാപുരം: പത്തനാപുരത്തെ സ്ഥാനാര്‍ത്ഥിയെ ചൊല്ലി കോണ്‍ഗ്രസിനുളളില്‍ കലഹം രൂക്ഷം. കെപിസിസി അംഗം സി.ആര്‍. നജീബിനേയോ ഡിസിസി ജനറല്‍ സെക്രട്ടറി ബാബുമാത്യൂവിനേയോ സ്ഥാനാര്‍ത്ഥിയാക്കണമെന്ന ആവശ്യമായി പത്തനാപുരത്ത് ഫ്‌ളക്‌സ് സ്ഥാപിച്ചു.
ഗണേഷ് കുമാറിനെ പരാജയപ്പെടുത്താന്‍ പുറത്ത് നിന്നുള്ള സ്ഥാനാര്‍ത്ഥികള്‍ വേണ്ടന്നും പകരം മണ്ഡലത്തില്‍ തന്നെയുള്ളവര്‍ മതി എന്നുമാണ് പത്തനാപുരം ഷോപ്പിങ് മാളിന് മുന്‍വശത്തായി കെട്ടിയ ബാനറില്‍ എഴുതിയിരിക്കുന്നത്. പത്തനാപുരത്തെ യുഡിഎഫ് സ്ഥാനാര്‍ത്ഥിയായി ജ്യോതികുമാര്‍ ചാമക്കാല ഏതാണ്ട് തൊണ്ണൂറ് ശതമാനം ഉറപ്പായ സാഹചര്യത്തിലാണ് ചാമക്കാലക്കെതിരെ ബാനര്‍ പ്രത്യക്ഷപ്പെട്ടത്. ബാബുമാത്യൂവിന്റെ പേര് ബാനറില്‍ പരാമര്‍ശിച്ചിട്ടുണ്ടെങ്കിലും അദ്ധേഹത്തിന് മത്സരിക്കാന്‍ താല്‍പ്പര്യമില്ലന്ന് നേരത്തെ തന്നെ അറിയിച്ചിരുന്നതാണ്. ബാനര്‍ ഉയര്‍ത്തിയത് ആരാണെന്ന് അറിയില്ലെന്നാണ് കോണ്‍ഗ്രസ് നേതൃത്വം പറയുന്നത്.
അതേസമയം തന്നെ സ്ഥാനാര്‍ത്ഥിയായി പരിഗണിക്കണമെന്ന ആവശ്യം കെപിസിസിയെ അറിയിച്ചിരുന്നങ്കിലും ഇത്തരമൊരു ബാനറിന് പിന്നില്‍ രാഷ്‌ട്രീയ എതിരാളികളാണെന്നാണ് സി.ആര്‍ നജീബ് പറയുന്നത്. സ്ഥാനാര്‍ത്ഥികളെ ചൊല്ലിയുളള പത്തനാപുരത്തെ തര്‍ക്കം അതീവ ഗൗരവത്തോടെയാണ് കെപിസിസി നേതൃത്വം നോക്കി കാണുന്നത്.
പ്രതികരിക്കാൻ ഇവിടെ എഴുതുക: