തിരുവനന്തപുരം : യുണിടാക് ഉടമ സന്തോഷ് ഈപ്പന് വാങ്ങിയ ഐഫോണുകളില് ഒന്ന് കോടിയോരി ബാലകൃഷ്ണന്റെ ഭാര്യ വിനോദിനി ഉപയോഗിച്ചതായി കണ്ടെത്തല്. എഎംഇഐ നമ്പര് ഉപയോഗിച്ച് നടത്തിയ അന്വേഷണത്തിലാണ് ഇക്കാര്യം കണ്ടെത്തിയത്. ഇതിനെ തുടര്ന്ന് വിനോദിനിക്ക് കസ്റ്റംസ് നോട്ടീസ് നല്കി.
ലൈഫ് മിഷന് പദ്ധതിയുടെ കരാര് ലഭിക്കുന്നതിനായി ആറ് ഐഫോണുകളാണ് സന്തോഷ് ഈപ്പന് വാങ്ങി നല്കിയത്. ഇതില് അഞ്ച് പേരേയും കണ്ടെത്തിയിരുന്നു. ആറാമത് ആള് ആരാണെന്ന് അന്വേഷിച്ചു വരികയായിരുന്നു. തുടര്ന്നാണ് കോടിയേരി ബാലകൃഷ്ണന്റെ ഭാര്യ ഈ ഫോണ് വളരെകാലം ഉപയോഗിച്ചിരുന്നതായി കണ്ടെത്തിയത്.
സന്തോഷ് ഈപ്പന് യുഎഇ കോണ്സുല് ജനറലിന് നല്കിയ ഫോണാണ് ഇത്. വാങ്ങിയ ഫോണുകളില് എറ്റവും വിലകൂടിയതാണ് ഇത്. 1.13 ലക്ഷം രൂപയായിരുന്നു ഈ മോബൈലിന്റെ വില. ഐഎംഇഐ നമ്പര് വഴി കസ്റ്റംസ് സിംകാര്ഡും കണ്ടെത്തിയിട്ടുണ്ട്.
വിനോദിനിക്ക് ഈ മൊബൈല് എങ്ങിനെ ലഭിച്ചെന്ന് കസ്റ്റംസ് അന്വേഷിച്ചു വരികയാണ്. ഇതിന്റെ ഭാഗമായാണ് അടുത്താഴ്ച ചോദ്യം ചെയ്യലിന് ഹാജരാകാന് ആവശ്യപ്പെട്ടിരിക്കുന്നത്. ഇതുസംബന്ധിച്ച് ചോദ്യം കസ്റ്റംസ് ചോദ്യം ചെയ്യുന്നതാണ്. ഇതോടെ ലൈഫ് മിഷന് ഇടപാട് കേസില് കോടിയേരി ബാലകൃഷ്ണന്റെ പങ്കിലേക്കും അന്വേഷണം നീളുകയാണ്.
സ്വര്ണക്കടത്ത് കേസ് വാര്ത്തയായതിന് പിന്നാലെ ഈ ഫോണ് സ്വിച്ച് ഓഫായെങ്കിലും ഐഎംഇഐ നമ്പര് ഉപയോഗിച്ച് കസ്റ്റംസ് സിം കാര്ഡും അതുപയോഗിച്ച ആളേയും കണ്ടെത്തുകയായിരുന്നു. ഐഎംഇഐ നമ്പര് വഴിതന്നെ കസ്റ്റംസ് സിംകാര്ഡും കണ്ടെത്തി. ഡോളര് കടത്തിലും സ്വര്ണക്കടത്തിലും ലൈഫ് മിഷനിലും ഇടപെട്ടതിന് സ്വപ്നയ്ക്ക് കൈക്കൂലി ആയാണ് സന്തോഷ് ഈപ്പന് ഐഫോണുകള് വാങ്ങി നല്കിയതെന്നാണ് അന്വേഷണ ഏജന്സികളുടെ കണ്ടെത്തല്.
സ്വപ്ന ആവശ്യപ്പെട്ട പ്രകാരമാണ് ഐഫോണുകള് വാങ്ങി നല്കിയതെന്ന് നേരത്തെ സന്തോഷ് ഈപ്പന് വ്യക്തമാക്കിയിരുന്നു. ഈ ഫോണ് എങ്ങനെ വിനോദിനിക്ക് കിട്ടി എന്നതിലാണ് കസ്റ്റംസ് ഇപ്പോള് അന്വേഷണം നടത്തുന്നത്.
ഐഎംഇഐ നമ്പര് വച്ചുള്ള പരിശോധനയില് ഇതു കണ്ടെത്തിയിട്ടുണ്ട്. സന്തോഷ് ഈപ്പന് വാങ്ങി നല്കിയ ഐഫോണുകള് യുഎഇ കോണ്സുലേറ്റ് ഉദ്യോഗസ്ഥന്, സ്റ്റേറ്റ് പ്രോട്ടോക്കോള് ഓഫീസര് എന്നിങ്ങനെ പല പ്രമുഖര്ക്കും ലഭിച്ചിട്ടുണ്ട്. സിപിഎം സംസ്ഥാന സെക്രട്ടറിയുടെ ഭാര്യയായിരുന്ന വ്യക്തിക്ക് അതിന്റെ പങ്ക് ലഭിച്ചു എന്നത് സിപിഎമ്മിനേയും സര്ക്കാരിനേയും ഒരേപോലെ പ്രതിരോധത്തിലാക്കും.
അതേസമയം ഡോളര് കടത്ത് കേസില് മുഖ്യമന്ത്രിക്കും സ്പീക്കര് ശ്രീരാമകൃഷ്ണനും പങ്കുണ്ടെന്ന് സ്വപ്ന സുരേഷ് രഹസ്യമൊഴി നല്കിയതായി കസ്റ്റംസ് കഴിഞ്ഞ ദിവസം ഹൈക്കോടതിയെ അറിയിച്ചിരുന്നു. ഇതിന് പിന്നാലെ ഇന്ന് കസ്റ്റംസ് ഓഫീസുകളിലേക്ക് സിപിഎം പ്രതിഷേധ മാര്ച്ചുകള് പ്രഖ്യാപിച്ചിരുന്നു. മാര്ച്ച് തുടങ്ങാന് മിനിറ്റുകള് ബാക്കിനില്ക്കേയാണ് കോടിയേരിയുടെ ഭാര്യക്കെതിരെ നിര്ണായക വെളിപ്പെടുത്തല് വരുന്നത്.
