സമൂഹ മാധ്യമങ്ങളില് വൈറലായി സുരേഷ് ഗോപിയുടെ പാപ്പന് ലുക്ക്. ജോഷി സംവിധാനം ചെയ്ത് സുരേഷ്ഗോപി പ്രധാന കഥാപാത്രമാകുന്ന പാപ്പന് എന്ന സിനിമയുടെ ചിത്രീകരണം ആരംഭിച്ചു. അതിന് പിന്നാലെയാണ് താരം കഥാപാത്രമായി വേഷമിട്ടതിന്റെ ചിത്രങ്ങള് പങ്കുവെച്ചത്.
ലേലം, വാഴുന്നോര്, ക്രിസ്ത്യന് ബ്രദേഴ്സ് എന്നീ ചിത്രങ്ങള്ക്ക് ശേഷം ഏഴ് വര്ഷങ്ങള്ക്ക് ശേഷമാണ് സുരേഷ് ഗോപിയും ജോഷിയും വീണ്ടും ഒന്നിക്കുന്നത്. മാത്യു പാപ്പന് എന്ന പോലീസ് ഉദ്യോഗസ്ഥനായിട്ടാണ് സുരേഷ് ഗോപി ചിത്രത്തില് എത്തുന്നത്. ക്രൈം ത്രില്ലറാണ് ചിത്രം. സുരേഷ് ഗോപിയുടെ 252-ാമത്തെ ചിത്രമാണ് പാപ്പന്.
ഗോകുല് സുരേഷും ചിത്രത്തില് പ്രധാന വേഷത്തിലെത്തുന്നുണ്ട്. സണ്ണിവെയിന്, നൈല ഉഷ, നീത പിള്ള, ആശ ശരത്, കനിഹ, ചന്ദുനാഥ്, വിജയരാഘവന്, ടിനി ടോം, ഷമ്മി തിലകന്, തുടങ്ങി വന് താര നിരയാണ് ചിത്രത്തില് അണിനിരക്കുന്നത്. ഡേവിഡ് കാച്ചപ്പിള്ളി നിര്മ്മിക്കുന്ന ചിത്രത്തിന്റെ തിരക്കഥയൊരുക്കുന്നത് ആര്ജെ ഷാനാണ്.
