തൃശ്ശൂര്‍: ബിജെപി സംസ്ഥാന അധ്യക്ഷന്‍ കെ. സുരേന്ദ്രന്‍ നയിക്കുന്ന വിജയയാത്ര തൃശ്ശൂര്‍ ജില്ലയില്‍ പര്യടനം തുടരുന്നു. ചേലക്കരയില്‍ നടന്ന സ്വീകരണ യോഗത്തില്‍ ദളിത് കോണ്‍ഗ്രസ് ജില്ലാ സെക്രട്ടറി വാസുദേവനും അനുയായികളും ബിജെപിയില്‍ ചേര്‍ന്നു. നിരവധി ഐന്‍ടിയുസി, സിപിഎം പ്രവര്‍ത്തകരും പാര്‍ട്ടി ബന്ധം ഉപേക്ഷിച്ച് ബിജെപിയിലേയ്‌ക്ക് എത്തി. ഇവരെ സംസ്ഥാന അധ്യക്ഷന്‍ കെ സുരേന്ദ്രന്‍ അംഗത്വം നല്‍കി സ്വീകരിച്ചു.
യാത്ര ചേലക്കര, മണലൂര്‍ മണ്ഡലങ്ങളിലെ സ്വീകരണ യോഗങ്ങളില്‍ പങ്കെടുത്തു. നാട്ടിക, പുതുക്കാട്, ഇരിങ്ങാലക്കുട, കൊടുങ്ങല്ലൂര്‍ എന്നിവിടങ്ങളിലും ജാഥ പര്യടനം നടത്തും. കൊടുങ്ങല്ലൂരില്‍ ഒരുക്കിയിരിക്കുന്ന സമ്മേളനത്തില്‍ കേന്ദ്രമന്ത്രി കേന്ദ്ര പാര്‍ലമെന്ററികാര്യ മന്ത്രി പ്രഹഌദ് ജോഷി സംസാരിക്കും.
നാളെ എറണാകുളം ജില്ലയിലൂടെയാണ് വിജയ യാത്ര കടന്നു പോകുന്നത്. ജില്ലയിലെ പറവൂര്‍, ആലുവ, കളമശ്ശേരി, തൃപ്പുമിത്തുറ, എറണാകുളം മണ്ഡലങ്ങളിലെ സ്വീകരണ യോഗങ്ങളില്‍ ജാഥ എത്തും.
പ്രതികരിക്കാൻ ഇവിടെ എഴുതുക: