തിരുവനന്തപുരം: ഇന്ത്യയുടെ മെട്രോമാന്‍ ഇ.ശ്രീധരന്‍ ബിജെപിയില്‍ ചേരുന്നു. ബിജെപി സംസ്ഥാന അധ്യക്ഷന്‍ കെ. സുരേന്ദ്രനാണ് ഇക്കാര്യം വ്യക്തമാക്കിയത്. കാസര്‍ഗോഡ് നിന്നാരംഭിക്കുന്ന വിജയയാത്രയുടെ വേളയില്‍ ഇ.ശ്രീധരന്‍ പാര്‍ട്ടിയില്‍ അംഗത്വം സ്വീകരിക്കും.
രണ്ട് മുന്നണികളിലെയും കണ്ണിലെ കരടായിരുന്നു ഇ .ശ്രീധരന്‍. എല്ലാ വികസന പ്രവര്‍ത്തനങ്ങളെയും തുരങ്കം വെക്കുന്ന നിലപാടാണ് ഇരു മുന്നണികള്‍ക്കും. അതിനെതിരെ ശ്രീധരന്‍ നിലപാട് എടുത്തപ്പോള്‍ ഉമ്മന്‍ ചാണ്ടി ശ്രീധരനെ ദ്രോഹിക്കാന്‍ ശ്രമിച്ചു. പിണറായി വിജയനും സമാനമായ നിലപാടായിരുന്നു. ബിജെപിക്കനുകൂലമായി കേരള രാഷ്‌ട്രീയം മാറുന്നതിന്റെ പ്രതിഫലനമാണ് പ്രമുഖരായ നിരവധി പേര്‍ ബിജെപിയില്‍ ചേരുന്നത്. ഇനിയുള്ള ദിവസങ്ങളില്‍ കൂടുതല്‍ പേര്‍ ബിജെപിയില്‍ ചേരും.ഇത്തരം പ്രമുഖര്‍ എന്‍ഡിഎക്കു വേണ്ടി മത്സര രംഗത്തുണ്ടാവും അദ്ദേഹം പറഞ്ഞു.
മെട്രോമാന്‍ തെരഞ്ഞെടുപ്പില്‍ മത്സരിക്കണമെന്നാണ് പാര്‍ട്ടിയുടെ ആഗ്രഹം. മത്സരിക്കണമെന്ന ആവശ്യം അദ്ദേഹത്തിന് മുന്‍പില്‍ വയ്‌ക്കും. സ്ഥാനാര്‍ത്ഥികളെ നിശ്ചയിക്കുന്നത് പാര്‍ട്ടി പാര്‍ലമെന്റെറി ബോര്‍ഡാണ്. അവര്‍ സ്ഥാനാര്‍ത്ഥികളെ ഉചിതമായ സമയത്ത് പ്രഖ്യാപിക്കുമെന്നും സുരേന്ദ്രന്‍.
പ്രതികരിക്കാൻ ഇവിടെ എഴുതുക: