തിരുവനന്തപുരം: ഇടതുസര്ക്കാരിന്റെ കാലത്ത് പാര്ട്ടി നേതാക്കളുടെ ഭാര്യമാര്ക്ക് ലഭിക്കുന്ന അനധികൃത നിയമനങ്ങളുടെ പട്ടികയില് മുന്എംപി എം.ബി. രാജേഷിന്റെ ഭാര്യ നിനിത കണിച്ചേരിയും. ഉയര്ന്ന അക്കാദമിക യോഗ്യതകളുള്ള ഉദ്യോഗാര്ഥികളെ മറികടന്ന് സംസ്കൃത സര്വകലാശാലയില് അസിസ്റ്റന്റ് പ്രൊഫസര് ഇന്റര്വ്യൂവില് ഒന്നാം റാങ്ക് നിനതയ്ക്ക് ലഭിച്ചത് വലിയ അട്ടിമറിയോടെ.
ഇന്റര്വ്യൂ നടത്തിയ സബ്ജെക്റ്റ് എക്സ്പെര്ട്ട് അംഗം ഉമര് തറമേല് തന്നെയാണ് ഇക്കാര്യം വെളിപ്പെടുത്തിയത്. അട്ടിമറയില് പ്രതിഷേധിച്ച് വിദഗ്ധ സമിതിയില് നിന്ന് രാജിവയ്ക്കുയാണെന്നും അദ്ദേഹം ഫേസ്ബുക്ക് പോസ്റ്റിലൂടെ വെളിപ്പെടുത്തി.
ജാതിയും മതവും ഒന്നും ഇല്ലന്നു പറയുന്ന യുവ നേതാവിന്റെ ഭാര്യക്ക് നിയമനം കിട്ടിയത് മുസ്ളീം കോട്ടയിലും
സര്വകലാശാലയിലെ സീനിയര് പ്രൊഫസര്മാരുള്പ്പെട്ട ഇന്റര്വ്യൂ ബോര്ഡ് യോഗ്യതകളുടെ അടിസ്ഥാനത്തില് മറ്റൊരു ഉദ്യോഗാര്ഥിനിക്കായിരുന്നു ഒന്നാം റാങ്ക് ശുപാര്ശ ചെയ്തതെന്നും എന്നാല് ബാഹ്യസമ്മര്ദത്തിന്റെ പേരില് അവരെ രണ്ടാം സ്ഥാനത്തേക്ക് തഴഞ്ഞാണ് എം.ബി. രാജേഷിന്റെ ഭാര്യയ്ക്ക് നിയമനം നല്കിയതെന്നും ഈ നിയമന തിരിമറി യെക്കുറിച്ച് സമഗ്ര അന്വേഷണം നടത്തണമെന്നും ആവശ്യപ്പെട്ട് സേവ് യൂണിവേഴ്സിറ്റി ക്യാംപെയിന് കമ്മിറ്റി ചെയര്മാന് ആര്.എസ് ശശികുമാറും സെക്രട്ടറി എം.ഷാജിര്ഖാനും ഗവര്ണര്ക്ക് നിവേദനം നല്കി.സംസ്കൃത സര്വ്വകലാശാലാ മലയാള വിഭാഗത്തില് അസിസ്റ്റന്റ് പ്രൊഫസര് (മുസ്ലിം സംവരണം) തസ്തികയിലേക്ക് ജനുവരി 21ന് ഇന്റര്വ്യു നടന്നു. 2019 ഓഗസ്റ്റ് 31ന് പ്രസിദ്ധീകരിച്ച വിജ്ഞാപന പ്രകാരം അപേക്ഷിച്ചവരില് നിന്നാണ് യോഗ്യതയുള്ള ആളെ കണ്ടെത്തിയത്. ഒന്നാം റാങ്ക് കിട്ടിയത് നിനിതക്കാണ്. രണ്ടാം റാങ്ക് ഹസീന കെ പി എയ്ക്കും മൂന്നാം റാങ്ക് ഹിക്മത്തുള്ള വിക്കുമാണ്.
ഉയര്ന്ന അക്കാദമിക മികവും നിരവധി അംഗീകൃത ഗവേഷണ പ്രബന്ധങ്ങളും അധ്യായന പരിചയവുമുള്ള ഉദ്യോഗാര്ത്ഥികളെ ഒഴിവാക്കിയാണ് രാജേഷിന്റെ ഭാര്യയ്ക്ക് മുസ്ലിം സംവരണ കോട്ടയില് ഒന്നാം റാങ്ക് നല്കിയത്.ഗവ: കോളേജുകളിലെ അസിസ്റ്റന്റ് പ്രൊഫസര് തസ്തികകളിലേയ്ക്ക് എഴുത്തുപരീക്ഷയും ഇന്റര്വ്യൂവും കഴിഞ്ഞ് പി.എസ്.സി പ്രസിദ്ധീകരിച്ച റാങ്ക് പട്ടികയില് 212-ാം റാങ്ക് ലഭിച്ച രാജേഷിന്റെ ഭാര്യക്ക്, പി.എസ്.സിയുടെ അതേ റാങ്ക് പട്ടികയില് ഉയര്ന്ന റാങ്ക് നേടിയ ഉദ്യോഗാര്ഥികളെ മറികടന്നാണ് ഒന്നാം റാങ്ക് നല്കിയത്. ഈ ആരോപണം സത്യമാണെന്ന് വെളിപ്പെടുത്തുകയാണ് ഉമറും.
കോളേജുകളിലോ സര്വകലാശാലകളിലോ അധ്യാപക നിയമനവ്യമായി ബന്ധപ്പെട്ടു, തത് വിഷയത്തില് പ്രവീണ്യമുള്ളവരെ ഉള്പ്പെടുത്തി അഭിമുഖം നടത്തണമെന്നും, ഉദ്യോഗാര്ഥികളുടെ മികവ് നോക്കി വിദഗ്ധര് നല്കുന്ന മാര്ക്കിന്റെ അടിസ്ഥാനത്തില് വേണം നിയമനം നടത്തണമെന്നുമാണ്, സര്വകലാ /യു ജി സി ചട്ടങ്ങള്. സാങ്കേതികമായി എല്ലാ അഭിമുഖങ്ങളും ഇങ്ങനെത്തന്നെയാണ് അരങ്ങേറുക.അതേ സാധുവാകൂ.അധ്യാപന ജീവിതത്തില് ഏറെ കലാലയങ്ങളില് ഇങ്ങനെ പോകേണ്ടി വന്നിട്ടുണ്ട്. പലയിടത്തും സമരം ചെയേണ്ടി വന്നിട്ടുണ്ട്. എന്നാല് സ്വപ്നത്തില്പോലും നിനയ്ക്കാത്ത മട്ടില്,റാങ്ക് ലിസ്റ്റ് തന്നെ ശീര്ഷാസനം ചെയ്തുപോയ ഒരനുഭവം, കേരളത്തിലെ ഒരു സര്വകലാശാലയില്നിന്നും ഇതാ ദ്യമാണുണ്ടായത്.ഇതിനോടുള്ള കടുത്ത വിമര്ശനവും വിയോജിപ്പും ഞാനും സഹവിദഗ്ധരും സര്വകലാശാല അധികൃതരെ അറിയിച്ചിട്ടുണ്ടെന്നും ഉമര് വ്യക്തമാക്കി.
പോസ്റ്റിന്റെ പൂര്ണരൂപം-
സബ്ജെക്ട് എക്സ്പെര്ട്ട്’ പണി നിര്ത്തി.
ഈ പണിയുടെ, മലയാള പരിഭാഷ വിഷയവിദഗ്ധന്, എന്നാണ്.കോളേജുകളിലോ സര്വകലാശാലകളിലോ അധ്യാപക നിയമനവ്യമായി ബന്ധപ്പെട്ടു, തത് വിഷയത്തില് പ്രവീണ്യമുള്ളവരെ ഉള്പ്പെടുത്തി അഭിമുഖം നടത്തണമെന്നും, ഉദ്യോഗാര്ഥികളുടെ മികവ് നോക്കി വിദഗ്ധര് നല്കുന്ന മാര്ക്കിന്റെ അടിസ്ഥാനത്തില് വേണം നിയമനം നടത്തണമെന്നുമാണ്, സര്വകലാ /യു ജി സി ചട്ടങ്ങള്. സാങ്കേതികമായി എല്ലാ അഭിമുഖങ്ങളും ഇങ്ങനെത്തന്നെയാണ് അരങ്ങേറുക.അതേ സാധുവാകൂ.
അധ്യാപന ജീവിതത്തില് ഏറെ കലാലയങ്ങളില് ഇങ്ങനെ പോകേണ്ടി വന്നിട്ടുണ്ട്. പലയിടത്തും സമരം ചെയേണ്ടി വന്നിട്ടുണ്ട്. എന്നാല് സ്വപ്നത്തില്പോലും നിനയ്ക്കാത്ത മട്ടില്,റാങ്ക് ലിസ്റ്റ് തന്നെ ശീര്ഷാസനം ചെയ്തുപോയ ഒരനുഭവം, കേരളത്തിലെ ഒരു സര്വകലാശാലയില്നിന്നും ഇതാ ദ്യമാണുണ്ടായത്.ഇതിനോടുള്ള കടുത്ത വിമര്ശനവും വിയോജിപ്പും ഞാനും സഹവിദഗ്ധരും സര്വകലാശാല അധികൃതരെ അറിയിച്ചിട്ടുണ്ട്. ഇതിന്റെ വെളിച്ചത്തില് ഇനിയും ഇപ്പണിക്ക് ഈയുള്ളവന് ഇല്ലെന്നു കേരളത്തിലെ അക്കാഡമിക് സമൂഹത്തെ ഇതിനാല് അറിയിച്ചുകൊള്ളുന്നു.
