തിരുവനന്തപുരം: എന്സിപിയില്നിന്ന് മാണി സി കാപ്പന് ഒറ്റയ്ക്ക് യുഡിഎഫിലേക്ക് വരുമെന്ന് പി ജെ ജോസഫ്. കാപ്പനുവേണ്ടി പാലാസീറ്റ് മാറ്റിവച്ചിട്ടുണ്ടെന്നും സ്വകാര്യ വാര്ത്താ ചാനലിന് നല്കിയ അഭിമുഖത്തില് അദ്ദേഹം പറഞ്ഞു. ‘മാണി സി കാപ്പന് വേണ്ടി പാലാ സീറ്റ്… അദ്ദേഹം വരുമെന്ന് തന്നെയാണ് പ്രതീക്ഷ. കാപ്പന് മത്സരിക്കുമെന്ന കാര്യത്തില് എനിക്ക് ഇപ്പോള് നല്ല ഉറപ്പുണ്ട്. അദ്ദേഹം ഇപ്പോള് ഒറ്റയ്ക്കാണ് വരുന്നത്, പാര്ട്ടിയായി അല്ല. ഒറ്റയ്ക്കാണെങ്കിലും കാപ്പനെ സ്വാഗതം ചെയ്യും’-പി ജെ ജോസഫ് പറഞ്ഞു.
കഴിഞ്ഞ തവണ മത്സരിച്ച 15 സീറ്റില് 13 ഉം ഇത്തവണ ലഭിക്കണം. മുസ്ലിം ലീഗിന് കൂടുതല് സീറ്റുകള് നല്കി കേരള കോണ്ഗ്രസിനെ ചെറുതാക്കുന്നത് മുന്നണിക്ക് നല്ലതല്ലെന്നും അദ്ദേഹം പറഞ്ഞു.
‘മുസ്ലിം ലീഗിന് കഴിഞ്ഞ തവണ 24 സീറ്റ്. ആ 24ന് പുറമേ കൂടുതല് സീറ്റുകള് അവര്ക്ക് കൊടുക്കാന് പോകുകയാണ്. മധ്യതിരുവിതാംകൂറില് കേരള കോണ്ഗ്രസിന്റെ ശക്തികൊണ്ടാണ് മുന്നണി ജയിക്കുന്നത്. അതുകൊണ്ട് കേരള കോണ്ഗ്രസിനെ ചെറുതാക്കുന്നത് മുന്നണിക്കുതന്നെ നല്ലതല്ല’ എന്നായിരു പി ജെ ജോസഫിന്റെ പ്രതികരണം.
മുസ്ലിം ലീഗിന് കൂടുതല് സീറ്റുകള് കൊടുക്കുമ്പോള് കേരള കോണ്ഗ്രസിന് സീറ്റുകള് കുറയ്ക്കുന്നതില് ന്യായീകരണം ഇല്ലെന്നും അദ്ദേഹം ചൂണ്ടിക്കാട്ടി.
