കൊട്ടിയം: വില്ലേജ് ഓഫീസറുടെ അറിയിപ്പോ അനുമതിയോ ഇല്ലാതെ ഇരവിപുരം വില്ലേജിലെ കാരിക്കുഴി ഏലാ നികത്തുന്ന ഭൂമാഫിയയുടെ നീക്കം യുവമോര്‍ച്ച പ്രവര്‍ത്തകര്‍ തടഞ്ഞു. നിരന്തരം ടിപ്പറുകളില്‍ മണ്ണ് എത്തിക്കുകയും വയല്‍ നികത്തുകയും ചെയ്യുകയായിരുന്നു.
യുവമോര്‍ച്ച പ്രവര്‍ത്തകര്‍ എത്തി മണ്ണിടല്‍ തടയുകയും വില്ലേജ് ഓഫീസറെ നേരില്‍ കണ്ട് രേഖാമൂലം പരാതി നല്‍കുകയും ചെയ്തു. മന്ത്രിയുടെ ബന്ധുവിന്റെ പേരിലുള്ള നെല്‍വയലാണിത്. അധികാരത്തിന്റെ പിന്‍ബലത്തില്‍ ഒരു അനുമതിയും കൂടാതെ നിലം നികത്താനായിരുന്നു പദ്ധതി.
ജില്ലാ സെക്രട്ടറി അനീഷ് ജലാല്‍, ഇരവിപുരം മണ്ഡലം പ്രസിഡന്റ് സന്ദീപ്പ് ഉമയനല്ലൂര്‍, മണ്ഡലം ജനറല്‍ സെക്രട്ടറി അബിന്‍, സെക്രട്ടറി വിഷ്ണു, ഏരിയ വൈസ് പ്രസിഡന്റ് രിജിന്‍ വാളത്തുംഗല്‍, ജില്ലാ കമ്മിറ്റി അംഗം പ്രശാന്ത് വിവേകാനന്ദ എന്നിവര്‍ നേതൃത്വം നല്‍കി.
പ്രതികരിക്കാൻ ഇവിടെ എഴുതുക: