കോട്ടയം: മന്ത്രി മണി കഴിഞ്ഞ ദിവസം പാലാസീറ്റിന്റെ കാര്യം പറയാതെ മാണി സി കാപ്പനെ കുത്തി- അറക്കുന്നതിന് മുമ്പ് ആരും പിടിയ്‌ക്കേണ്ട കാര്യമില്ലെന്നായിരുന്നു മന്ത്രി എം.എം. മണിയുടെ കൂരമ്പ് പോലെ തറയ്‌ക്കുന്ന കമന്‍റ്.
മന്ത്രി മണിയ്‌ക്ക് എന്തും പറയാന്‍ സ്വാതന്ത്ര്യമുണ്ടെന്നായിരുന്നു മാണി സി കാപ്പന്റെ പ്രതികരണം. ജോസ് കെ മാണിയെ സിപിഎം അനുകൂലിക്കുകയോ പ്രതികൂലിക്കുകയോ ചെയ്യട്ടെ. മുന്നണി മാറ്റത്തിന്റെ കാര്യത്തില്‍ ശരദ്പവാറിനെ കണ്ടശേഷം തീരുമാനം എടുക്കുമെന്നും മാണി സി. കാപ്പന് പറഞ്ഞു.
കെഎം മാണി സ്മൃതി സംഗമം സമാപന സമ്മേളനത്തിലായിരുന്നു മന്ത്രി മണിയുടെ കമന്‍റ്. നേരത്തെ പാലായ്‌ക്ക് പകരം കുട്ടനാട് നല്‍കാമെന്ന് മാണി സി കാപ്പന് വാഗ്ദാനമുണ്ടായിരുന്നു. ഇതും മാണി സി കാപ്പന് തള്ളിയിരുന്നു. കുട്ടനാട്ടില്‍ പോയാല്‍ തനിക്ക് നീന്താന്‍ അറിയില്ലെന്നായിരുന്നു ഇതിന് കാപ്പന്റെ മറുപടി.
പ്രതികരിക്കാൻ ഇവിടെ എഴുതുക: