തിരുവനന്തപുരം: പ്രതിപക്ഷ നേതാവ് രമേശ് ചെന്നിത്തല നയിക്കുന്ന കേരളയാത്രയ്ക്ക് ആദരാഞ്ജലികള്‍ അര്‍പ്പിച്ച് കോണ്‍ഗ്രസ് മുഖപത്രം. രമേശ് നയിക്കുന്ന ഐശ്വര്യ കേരളയാത്ര ഇന്നാണ് കാസര്‍ഗോഡുനിന്ന് ആരംഭിക്കുന്നത്. ഇതിന്റെ ഭാഗമായി വീക്ഷണം പത്രം പുറത്തിറക്കിയ ബഹുവര്‍ണ സപ്ലിമെന്റിലാണ് യാത്രയ്‌ക്ക്ആദരാഞ്ജലിഅര്‍പ്പിച്ചിരിക്കുന്നത്. കൊച്ചി എഡിഷനില്‍ പത്രത്തിന്റെ ഏറ്റവും പിന്‍വശത്തുള്ള പേജിലാണ് സപ്ലിമെന്റുള്ളത്.
ചെന്നിത്തലയോടൊപ്പം മുസ്ലീംലീഗ് നേതാവ് ഹൈദരലി ശിഹാബ്തങ്ങള്‍, കെ.പിസിസി പ്രസിഡന്റ് മുല്ലപ്പള്ളിരാമചന്ദ്രന്‍, പി കെ കുഞ്ഞാലിക്കുട്ടി, എന്നിവരുടെ ചിത്രങ്ങളും നല്‍കിയിട്ടുണ്ട്. കാസര്‍ക്കോട് ഡിസിസിയാണ് ഈ പരസ്യം നല്‍കിയിരിക്കുന്നത്. ഇതിന് മുകളിലായി. ഡിസിസി പ്രസിഡണ്ട് ഹക്കീം കുന്നിലിന്റെ കുറിപ്പുമുണ്ട്. മഞ്ചേശ്വരത്തുനിന്നും ഇന്ന് വൈകിട്ട് മൂന്നിന് മുന്‍ മുഖ്യമന്ത്രി ഉമ്മന്‍ ചാണ്ടിയാണ് രമേശിന്റെ യാത്ര ഉദ്ഘാടനം ചെയ്യുന്നത്.
പ്രയോഗപരമായി തെറ്റല്ലെന്ന അഭിപ്രായം ഭാഷാ വിദഗ്ധര്‍ ഉയര്‍ത്തുന്നുണ്ട്. ആദരവോടെയുള്ള കൂപ്പുകൈ എന്നര്‍ത്ഥത്തിലാണ് സാധാരണ അത്തരം പ്രയോഗങ്ങള്‍ നടത്താറുള്ളത്. ബഹുമാനത്തെയാണ് ഇത് സൂചിപ്പിക്കുന്നതെന്നും വിദഗ്ധര്‍ പറയുന്നു
പ്രതികരിക്കാൻ ഇവിടെ എഴുതുക: