ആലപ്പുഴ: തെരഞ്ഞെടുപ്പ് ലക്ഷ്യമാക്കി സംഘടിപ്പിക്കുന്ന ജില്ലയിലെ മൂന്ന് മന്ത്രിമാരുടെ സാന്നിധ്യത്തിലുള്ള’സാന്ത്വന സ്പര്ശം’ അദാലത്തില് ധനസഹായ വിതരണവും. അര്ഹതപ്പെട്ടവര്ക്ക് 25,000 രൂപ വരെയുള്ള ധനസഹായം ഉടനടി ലഭിക്കുമെന്ന് ജില്ലാ കളക്ടര് എ അലക്സാണ്ടര് അറിയിച്ചു.
ഹൃദയസംബന്ധമായ രോഗമുള്ളവര്ക്കും വൃക്കരോഗികള്ക്കും അര്ബുദ രോഗികള്ക്കും ആണ് ഈ സഹായം ലഭിക്കാന് അര്ഹത. ഈ രോഗികള്ക്ക് സാന്ത്വനസ്പര്ശം അദാലത്തിലൂടെ വേഗത്തില് സഹായം എത്തിക്കുക എന്ന ഉദ്ദേശത്തോടെയാണ് 25000 രൂപ വരെ അനുവദിക്കാനുള്ള അനുമതി സര്ക്കാര് മന്ത്രിമാര്ക്ക് നല്കിയത്. മുഖ്യമന്ത്രിയുടെ ദുരിതാശ്വാസനിധിയില് നിന്നുള്ള ധനസഹായത്തിനുള്ള അപേക്ഷകള്ക്ക് പുറമേ മറ്റ് പരാതികളും അദാലത്തില് പരിഗണിക്കും.
ജില്ല തല അദാലത്ത് 1,2,4 തിയതികളിലാണ് ജില്ലയില് അദാലത്ത് നടക്കുന്നത്.രണ്ടു താലൂക്കുകള്ക്ക് ഒന്ന് എന്ന രീതിയില് ജില്ലയില് മൂന്നു സ്ഥലങ്ങളിലായി അദാലത്ത് നടക്കും. അമ്പലപ്പുഴ, ചേര്ത്തല താലൂക്കുകളില് ഫെബ്രുവരി 1ന് ലജ്നത്തുല് സ്കൂള്, കുട്ടനാട്, ചെങ്ങന്നൂര് താലൂക്കുകള്ക്കായി ഫെബ്രുവരി 2ന് ഫാദര് തോമസ് പോരൂര്ക്കര സെന്ട്രല് സ്കൂള് ചമ്പക്കുളം, മാവേലിക്കര, കാര്ത്തികപ്പള്ളി താലൂക്കുകള്ക്കായി ഫെബ്രുവരി 4ന് കോ-ഓപ്പറേറ്റീവ് ബാങ്ക് ഓഡിറ്റോറിയം മാവേലിക്കര എന്നിവടങ്ങളിലാണ് അദാലത്ത്.
