പുതുച്ചേരി : കോണ്‍ഗ്രസ് നേതൃത്വത്തെ പരുങ്ങലിലാക്കി പുതുച്ചേരിയില്‍ കൂട്ടരാജി. പാര്‍ട്ടിയിയിലെ 13 പ്രമുഖ നേതാക്കളാണ് രാജിവെച്ചൊഴിഞ്ഞത്. മുന്‍ എംഎല്‍എ, പാര്‍ട്ടിയുടെ അഞ്ച് ജനറല്‍ സെക്രട്ടറിമാര്‍ എന്നിവരും രാജിവെച്ചൊഴിയുന്നതില്‍ ഉള്‍പ്പെടും.
മുന്‍ സംസ്ഥാന കോണ്‍ഗ്രസ് അധ്യക്ഷനും മന്ത്രിയുമായ നമശിവായം അടുത്തിടെ പാര്‍ട്ടിയില്‍ നിന്നും രാജിവെച്ചിരുന്നു. അതിനു പിന്നാലെയാണ് 13 കോണ്‍ഗ്രസ് നേതാക്കള്‍ കൂടി പാര്‍ട്ടി വിട്ടത്. കൂടുതല്‍ കോണ്‍ഗ്രസ് എംഎല്‍എമാര്‍ പിന്തുണ പിന്‍വലിച്ചാല്‍ സര്‍ക്കാര്‍ വീഴുമെന്ന സ്ഥിതിയിലാണ്.
തെക്കന്‍ തമിഴ്‌നാട്ടിലും പുതുച്ചേരിയിലും വലിയ സ്വാധീനമുള്ള മുതിര്‍ന്ന നേതാവാണ് നമശിവായം. കഴിഞ്ഞ തെരഞ്ഞെടുപ്പില്‍ നാരായണസ്വാമിക്കൊപ്പം നമശിവായത്തേയും മുഖ്യമന്ത്രി പദത്തിലേക്ക് പരിഗണിച്ചിരുന്നു. അതേസമയം പാര്‍ട്ടിവിട്ട നേതാക്കള്‍ ബിജെപിയില്‍ ചേരുമെന്ന് റിപ്പോര്‍ട്ടുകള്‍ പുറത്തുവരുന്നുണ്ട്.
പ്രതികരിക്കാൻ ഇവിടെ എഴുതുക: