മാഹി: പുതുച്ചേരി പൊതുമരാമത്ത് വകുപ്പ് മന്ത്രിയും പ്രദേശ് കോണ്ഗ്രസ് കമ്മിറ്റിയുടെ മുന് പ്രസിഡണ്ടുമായ നമ:ശിവായം കോണ്ഗ്രസ് നേതാവായ മുഖ്യമന്ത്രി നാരായണസ്വാമിയുടെ ജനദ്രോഹ ഭരണത്തില് പ്രതിഷേധിച്ച് കോണ്ഗ്രസില് നിന്നും മന്ത്രിസഭയില് നിന്നും രാജിവെച്ച് ബിജെപിയില് ചേര്ന്നു. കൂടെ ഉസ്സുഡു മണ്ഡലത്തില് നിന്നുള്ള എംഎല്എ തീപ്പൈന്തനും കോണ്ഗ്രസില് നിന്നും രാജിവെച്ച ബിജെപിയില് ചേര്ന്നു.
പുതുച്ചേരി മുഖ്യമന്ത്രി നാരായണസ്വാമിയുടെ ജനദ്രോഹ ഭരണത്തില് പ്രതിഷേധിച്ച് വരും ദിവസങ്ങളില് നിരവധി എംഎല്എമാര് രാജിവെച്ച് ബിജെപിയില് ചേര്ന്നേക്കും. യാനത്തു നിന്നുള്ള എംഎല്എയും സംസ്ഥാന ആരോഗ്യ മന്ത്രിയുമായ മല്ലാടി കൃഷ്ണറാവു അടുത്ത ദിവസം കോണ്ഗ്രസില് നിന്നും രാജിവെക്കുമെന്നറിയുന്നു. സുന്ദര മോഹന വാഗ്ദാനങ്ങള് നല്കി അധികാരത്തില് വന്ന നരായണസ്വാമി സര്ക്കാര് സമ്പൂര്ണ പരാജയമാണന്നും മുഖ്യമന്ത്രിക്ക് അധികാരത്തില് തുടരാന് അര്ഹതയില്ലെന്നും നമ:ശിവായം പറഞ്ഞു.
