എം.സി. ജോസഫ് തിരക്കഥയെഴുതി സംവിധാനം ചെയ്യുന്ന എന്നിട്ട് അവസാനം എന്ന ചിത്രത്തിന്റെ കാസ്റ്റിങ് കോള്‍ വൈറല്‍. അന്ന ബെന്‍, അര്‍ജ്ജുന്‍ അശോകന്‍, മധുബാല എന്നിവരാണ് ചിത്ത്രതിലെ കേന്ദ്ര കഥാപാത്രത്തെ അവതരിപ്പിക്കുന്നത്.
സിനിമയിലേക്ക് പുതുമുഖ താരങ്ങളെ ക്ഷണിച്ചുകൊണ്ട് അണിയറ പ്രവര്‍ത്തകര്‍ തയ്യാറാക്കിയ മ്യൂസിക് ആല്‍ബമാണ് ഇപ്പോള്‍ വൈറലായിരിക്കുന്നത്. ചലച്ചിത്ര രംഗത്ത് ഇത്തരത്തില്‍ ഒരു പരീക്ഷണം തന്നെ ആദ്യമാണ്.
എജെജെ സിനിമാസിന്റെ ബാനറില്‍ അനന്ത് ജയരാജ് ജൂനിയര്‍, ജോബിന്‍ ജോയി എന്നിവര്‍ ചേര്‍ന്ന് നിര്‍മിക്കുന്ന എന്നിട്ട് അവസാനത്തിന്റെ ഛായാഗ്രഹണം അപ്പു ഭാസ്‌ക്കറാണ് നിര്‍വഹിക്കുന്നത്.
എക്‌സിക്യൂട്ടീവ് പ്രൊഡ്യുസര്‍- സുകുമാര്‍ തെക്കെപ്പാട്ട്, പ്രൊഡക്ഷന്‍ കണ്‍ട്രോളര്‍- പ്രവീണ്‍ ബി. മേനോന്‍, എഡിറ്റര്‍- സൂരജ് ഇ.എസ്., സംഗീതം- സുഷിന്‍ ശ്യാം, കല- ഗോകുല്‍ ദാസ്, മേക്കപ്പ്- രഞ്ജിത്ത് അമ്പാടി, വസ്ത്രാലങ്കാരം- സമീറ സനീഷ്, വാര്‍ത്ത പ്രചരണം-എ എസ് ദിനേശ്.
പ്രതികരിക്കാൻ ഇവിടെ എഴുതുക: