ആലപ്പുഴ: പുലര്ച്ചെ സമയങ്ങളില് ക്ഷേത്രത്തില് പോകുന്ന ശാന്തിക്കാര്ക്ക് നേരെ അക്രമം പതിവാകുന്നു. സംഭവത്തില് ദൂരൂഹതയേറെ, തീവ്രവാദ ശക്തികളുടെ പങ്കും സംശയിക്കുന്നു. കഴിഞ്ഞ ദിവസങ്ങളില് മണ്ണഞ്ചേരി പഞ്ചായത്തിലെ മൂന്ന് ക്ഷേത്രങ്ങളിലെ ശാന്തിക്കാര്ക്ക് നേരെ അക്രമ ശ്രമം നടന്നു.
പലരും തലനാരിഴയ്ക്കാണ് രക്ഷപ്പെട്ടത്. ഇതു സംബന്ധിച്ച് മണ്ണഞ്ചേരി, ആലപ്പുഴ നോര്ത്ത് സ്റ്റേഷനുകളില് പരാതി നല്കിയെങ്കിലും കാര്യക്ഷമമായ നടപടി ഉണ്ടായില്ല. അക്രമങ്ങളിലെല്ലാം സമാനത ഉണ്ടായിരുന്നു. പുലര്ച്ചെ ഇരുചക്രവാഹനത്തില് ക്ഷേത്രത്തിലേക്ക് പോയ ശാന്തിക്കാരെ ആയുധങ്ങളുമായി അക്രമികള് പിന്തുടരുകയായിരുന്നു. കഴിഞ്ഞ ദിവസം ബൈക്കിലെത്തിയ സംഘം വടിവാള് വീശിയെങ്കിലും ശാന്തിക്കാരന് ഭാഗ്യത്തിന് രക്ഷപ്പെടുകയായിരുന്നു.
സംഭവം തുടര്ക്കഥയായതോടെ പുലര്ച്ചെ ക്ഷേത്രത്തില് പോകാന് പലര്ക്കും ഭയമാണ്. ചില തീവ്രവാദ സംഘടനാ പ്രവര്ത്തകര് ഇരുചക്രവാഹനത്തില് സഞ്ചരിച്ച് വാളുപയോഗിച്ച് നായകളെ വെട്ടി പരിശിലീക്കുന്നതായി വാര്ത്തകളുള്ള സാഹചര്യത്തില് ശാന്തിക്കാര്ക്ക് നേരെയുള്ള അക്രമം പോലീസ് ഗൗരവത്തിലെടുത്ത് അന്വേഷിക്കണമെന്ന് ആവശ്യം ഉയരുന്നു.
