നിഗൂഢതകള്‍ ഒളിപ്പിച്ചും ആകാംഷ നിറച്ചും മമ്മൂട്ടിയുടെ ഏറ്റവും പുതിയ ചിത്രം ദി പ്രീസ്റ്റിന്റെ ആദ്യ ടീസര്‍. ഇന്നു വൈകിട്ട് ഏഴിനാണ് സിനിമയുടെ ടീസര്‍ പുറത്തുവിട്ടത്. ശാസ്ത്രത്തിന്റെ ഏതു തിയറിയിലും അതിനെ മറികടന്ന് പോകുന്ന ഒരു ഡാര്‍ക്ക് സോണുണ്ടെന്ന് പറയാറുണ്ടെന്ന മമ്മൂട്ടിയുടെ ശബ്ദത്തോടെയാണ് ടീസര്‍ ആരംഭിക്കുന്നത്.
മമ്മൂട്ടിയും നടി മഞ്ജു വാര്യരും ആദ്യമായി ഒന്നിക്കുന്ന സിനിമ കൂടിയാണിതെന്ന പ്രത്യേകതയും സിനിമയ്‌ക്ക് ഉണ്ട്. ചിത്രത്തില്‍ ഒരു വൈദികനായി വ്യത്യസ്ത ലുക്കിലാണ് മമ്മൂട്ടി എത്തുന്നത്. മമ്മൂട്ടിയുടെ ചിത്രങ്ങള്‍ ഇതിനകം സോഷ്യല്‍മീഡിയയില്‍ വൈറലായിട്ടുണ്ട്. നവാഗതനായ ജോഫിന്‍ ടി ചാക്കോ ആണ് ചിത്രം സംവിധാനം ചെയ്യുന്നത്. മിസ്റ്ററി ത്രില്ലറായാണ് ചിത്രം ഒരുങ്ങുന്നത്. ആന്റോ ജോസഫ്, ബി. ഉണ്ണികൃഷ്ണന്‍, വി.എന്‍ ബാബു എന്നിവര്‍ ചേര്‍ന്നാണ് ക്രൈം ത്രില്ലര്‍ ചിത്രം നിര്‍മിക്കുന്നത്. ദീപു പ്രദീപ്, ശ്യാം മേനോന്‍ എന്നിവരുടേതാണ് തിരക്കഥ. ഛായാഗ്രഹണം അഖില്‍ ജോര്‍ജ്.
പ്രതികരിക്കാൻ ഇവിടെ എഴുതുക: