എടത്വ: അമ്പലപ്പുഴ-തിരുവല്ല സംസ്ഥാനപാതയില് കൊച്ചമ്മനം ജങ്ഷന് പടിഞ്ഞാറു വശം ക്നാനായ പള്ളിക്ക് സമീപം റോഡിന്റെ വളവില് അപകടം പതിവാകുന്നു.ആര്വി സര്വീസ് സ്റ്റേഷന് മുന്നിലെ വളവാണ് വാഹനയാത്രക്കാര്ക്ക് ചതിവായിരിക്കുകയാണ്.
നിരവധി അപകടങ്ങളും മരണങ്ങളും നടന്ന സര്വീസ് സ്റ്റേഷന് സമീപത്തെ ക്നാനായ പള്ളിയുടെ മതിലില് കഴിഞ്ഞ ദിവസം ബൈക്കിടിച്ച് യുവാവിന് പരിക്കേറ്റു. തിങ്കളാഴ്ച രാത്രി ഒരു മണിയോടെയാണ് അപകടം. തലവടി അംബ്രയില്മൂല സ്വദേശിയാണ് അപകടത്തില്പെട്ടത്. ഇദ്ദേഹത്തെ പരുമലയിലെ സ്വകാര്യ ആശുപത്രിയില് പ്രവേശിപ്പിച്ചു.
കഴിഞ്ഞ ദിവസം നിയന്ത്രണം വിട്ട ടിപ്പര്ലോറി ഇടിച്ച് നാലുവൈദ്യുതി പോസ്റ്റും, സമീപ താമസക്കാരന്റെ മതിലും, പ്ലാവും ഇടിച്ച് തെറിപ്പിച്ചിരുന്നു. റോഡ് നവീകരണത്തിന് ശേഷം നടക്കുന്ന പത്താമത്തെ അപകടമാണ്. ഇതിനോടകം നാല് ജീവനും പൊലിഞ്ഞിട്ടുണ്ട്. വളവുകളും, സൈന് ബോര്ഡുകള് ഇല്ലാത്തതുമാണ് അപകട കാരണമെന്ന് യാത്രക്കാര് പറയുന്നു.
