അനുപമ പരമേശ്വരന് നായികയാകുന്ന ‘ഫ്രീഡം അറ്റ് മിഡ്നൈറ്റ്’ എന്ന ഹ്രസ്വചിത്രം പുറത്തിറങ്ങി. കുഞ്ചാക്കോ ബോബന്, മഞ്ജു വാര്യര്, ദുല്ഖര് സല്മാന് എന്നിവരുടെ ഫേസ്ബുക്ക് പേജിലൂടെ ആണ് യൂട്യൂബ് ലിങ്ക് റിലീസ് ചെയ്തത്.
ശക്തമായ ഒരു സ്ത്രീ കഥാപാത്രത്തെ ആണ് ചിത്രത്തില് അനുപമ അവതരിപ്പിച്ചിട്ടുള്ളത്. വ്യത്യസ്ത പ്രമേയവുമായി എത്തിയ ഹ്രസ്വചിത്രം തെലുങ്ക്, കന്നഡ എന്നീ ഭാഷകളിലേക്കും മൊഴിമാറ്റം ചെയ്യപ്പെടുന്നുണ്ട്. പോഷ് മാജിക്കാ ക്രീയേഷന്സിന്റെ ബാനറില് അഖില മിഥുന് ആണ് ചിത്രം നിര്മ്മിക്കുന്നത്. ആര് ജെ ഷാന് തിരക്കഥ എഴുതി സംവിധാനം ചെയ്യുന്ന ചിത്രത്തില് ഹക്കിം ഷാജഹാന് ആണ് നായകന്. ശക്തവും, വ്യത്യസ്തവുമായ പ്രമേയങ്ങളെ പിന്തുണയ്ക്കുക എന്ന ലക്ഷ്യത്തോടെ എത്തുന്ന പോഷ് മാജിക്കാ ക്രിയേഷന്സിന്റെ ആദ്യ നിര്മാണ സംരംഭം ആണ് ‘ഫ്രീഡം അറ്റ് മിഡ്നൈറ്റ്’.
അബ്ദുള് റഹീം ആണ് ചിത്രത്തിന്റെ ഛായാഗ്രാഹകന്. സംഗീത സംവിധാനം നിര്വഹിച്ചിരിക്കുന്നത് ലിജിന് ബാബിനോ. എഡിറ്റര് – ജോയല് കവി.
