നിങ്ങൾ നിങ്ങളിലേക്ക് നോക്കിയാൽ “പൊട്ടൻ”നെ കാണാം…! കാസർകോഡ് നിന്നും “പൊട്ടൻ” ഒരുങ്ങുന്നു

വടക്കേ മലബാറിലെ തെയ്യങ്ങളെ ഇതിവൃത്തമാക്കി ചെറു സിനിമ ഒരുങ്ങുന്നു. ഒരു കോലാധാരി അനുഭവിക്കുന്ന ആത്മ സംഘർഷങ്ങളിലൂടെ ആധുനിക സമൂഹത്തിന്റെ പരിച്ഛേദം തന്നെയാണ് “പൊട്ടൻ” എന്ന കൊച്ചു സിനിമ മുന്നോട്ടുവെക്കുന്നത്. രതീഷ് ബാബു എ.കെ സംവിധാനം ചെയ്യുന്ന ”പൊട്ടൻ” ന്റെ നിർമ്മാണം പി സുകുമാരൻ അമ്മംകോട് ആണ്.  

യഥുരാജ് ബീംബുങ്കാൽ കഥയും തിരക്കഥയും ഒരുക്കുന്നു. മധു ബേഡകം, അനീഷ് കുറ്റിക്കോൽ, ബാലൻ കോളിക്കര, സുധി നർക്കിലക്കാട്, രവി ചെറ്റത്തോട്, പി.സുകുമാരൻ എന്നിവർ പ്രധാന വേഷങ്ങൾ അഭിനയിക്കുന്നു. ഛായഗ്രഹണം – റോയ് അയ്യന്തോൾ, ചീഫ് അസോസിയേറ്റ് ഡയരക്ടർ – ബേബി മാത്യൂസ്, കലാസംവിധാനം – ധനരാജ് ബേഡകം, ഗാനരചന – രഘുനാഥ് ബീംബുങ്കാൽ, പശ്ചാതല സംഗീതം – നിധീഷ് ബേഡകം, പ്രൊഡക്ഷൻ കൺട്രോളർ – കല്യാണി കൃഷ്ണൻ, പി ആർ ഒ- പ്രജീഷ് രാജ് ശേഖർ, സ്റ്റിൽസ് _ വിനയൻ കുണ്ടംകുഴി, സഹസംവിധാനം – ജിതിൻ അപ്പൂസ്, ജിഷ്ണു.

ജനുവരി അവസാനം ചിത്രീകരണം ആരംഭിക്കും.